პარლამენტის ვიცე-სპიკერის მანანა კობახიძის განცხადებით, ქვეყანამ კიდევ ერთხელ ძალიან მნიშვნელოვანი ტესტი ჩააბარა.

როგორც მან „ექსპრესნიუსს“ განუცხადა, არჩევნები დემოკრატიულ და უპრეცედენტოდ მშვიდ გარემოში ჩატარდა.

"მიუხედავად ძალიან ეპიზოდური, უმნიშვნელო დარღვევებისა საბოლოო შედეგზე ამ ყველაფერს გავლენა არ აქვს და ვერც ექნება. რაიმე განსაკუთრებული არ მომხდარა, ყველა დარღვევაზე იყო შესაბამისი რეაგირება. ყველას ვაჩვენეთ, რომ ვართ თავისუფალი და დემოკრატიული სახელმწიფო. ვფიქრობ, რომ ეს სწორედ საზოგადოების გმირობის შედეგია", - განაცხადა კობახიძემ.

მმართველი გუნდის წევრმა ამომრჩეველს მადლობა გადაუხადა და აღნიშნა, რომ მოქალაქეების მხარდაჭერა კამპანიის დროს ძალიან მნიშვნელოვანი იყო. 

"მხარდაჭერის შედეგად ჩვენ მოვიპოვეთ საკონსტიტუციო უმრავლესობა. საარჩევნო პერიოდი ძალიან ხანგრძლივი იყო. ვფიქრობ, რომ ქვეყანამ ძალიან მნიშვნელოვანი ტესტი ჩააბარა. არჩევნები დემოკრატიულ და უპრეცედენტო მშვიდობიან გარემოში ჩავატარეთ. თუ გავიხსენებთ 2012 წლამდე ჩატარებულ არჩევნებს, 2016 წლის არჩევნები იყო სამაგალითო. საზოგადოებას უნდა მივულოცოთ, რომ ქვეყანამ ნამდვილად აჩვენა დემოკრატიის ძალიან მაღალი სტანდარტი", - განაცხადა კობახიძემ.

ცნობისთვის, 30 ოქტომბერს საქართველოში 2016 წლის საპარლამენტო არჩევნების მეორე ტური ჩატარდა. ცესკო-ს წინასწარი შედეგებით თითქმის ყველა ოლქში "ქართული ოცნება" ლიდერობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

"ერთად გამარჯვებისთვის!" - ოპოზიციის ალიანსი დღეს საპროტესტო აქციას გამართავს

რუბიომ ვაშინგტონსა და კიევს შორის აქტიური მოლაპარაკებების არარსებობის შესახებ განაცხადა

მეფე ჩარლზ III - მე და ჩემი მეუღლე გულთბილად ვულოცავთ ქართველ ხალხს საქართველოს დამოუკიდებლობის დღეს

აშშ-ის სამხედროებმა სამხრეთ ირანში დარტყმები განახორციელეს