საქართველოს თავდაცვის სამინისტროს შემეცნებით-საგანმანათლებლო ცენტრში სამხედრო-სამოქალაქო თანამშრომლობის კურსის დახურვის ცერემონიალი გაიმართა. 

თავდაცვის სამინისტროს ინფორმაციით, სწავლების დასრულება სამხედრო მოსამსახურეებს საქართველოს შეიარაღებული ძალების გენერალური შტაბის უფროსის პირველმა მოადგილემ, ბრიგადის გენერალმა ვლადიმერ ჩაჩიბაიამ და თურქეთის რესპუბლიკის სამხედრო ატაშემ საქართველოში, პოლკოვნიკმა ჯევდეთ იაშარმა მიულოცეს. მათ კურსდამთავრებულებს სერთიფიკატები გადასცეს.

სწავლებაში საქართველოს შეიარაღებული ძალების წარმომადგენლები და საქართველოს შინაგან საქმეთა სამინისტროს საზღვრის დაცვის დეპარტამენტის პირადი შემადგენლობა დაესწრო. ხუთდღიანი კურსის განმავლობაში 38 მსმენელმა სამხედრო-სამოქალაქო თანამშორმლობის სპეციფიკა და მართვა, მედიასთან კოორდინაცია, სამოქალაქო საზოგადოებასთან მოლაპარაკებების წარმოებისა და თარჯიმნებთან მუშაობის უნარ-ჩვევები, ასევე ჰუმანიტარული პროექტების კოორდინაციის საკითხები შეისწავლეს.
სამხედრო-სამოქალაქო თანამშრომლობის კურსი თურქეთის რესპუბლიკის „პარტნიორობა მშვიდობისათვის“ სასწავლო ცენტრის ორგანიზებით გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება