თბილისის მერმა დავით ნარმანიამ დედაქალაქის ვიცე-მერის თანამდებობაზე დიმიტრი ქუმსიშვილი წარადგინა.

ამის შესახებ ნარმანიამ მერიაში გამართულ ბრიფინგზე განაცხადა.

„ვიცე-მერის პოსტს დაიკავებს დიმიტრი ქუმსიშვილი, რომელიც მანამდე ეკონომიკისა და მდგრადი განვითარების მინისტრის პირველი მოადგილე იყო. ის ასევე ხელმძღვანელობდა სახელმწიფო ქონების ეროვნულ სააგენტოს. ბატონი დიმიტრი არის პროფესიონალი ეკონომისტი, რომელსაც აქვს, როგორც საჯარო უწყებებში, ასევე კერძო სექტორში მუშაობის მრავალწლიანი გამოცდილება. დარწმუნებული ვარ, რომ ბატონი დიმიტრი მთელ თავის გამოცდილებას და პროფესიონალიზმს დედაქალაქის განვითარებას მოახმარს და მნიშვნელოვან როლს შეასრულებს თბილისის საინვესტიციო კლიმატის გაუმჯობესებაში“, - განაცხადა დავით ნარმანიამ.

ცნობისთვის, დიმიტრი ქუმსიშვილი მანამდე ეკონომიკისა და მდგრადი განვითარების მინისტრის მოადგილის თანამდებობას იკავებდა.

აღნიშნულ თანამდებობაზე ქუმსიშვილმა ალექსანდრე მარგიშვილი შეცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის

უკრაინის საგარეო საქმეთა მინისტრმა ეუთოს საგანგებო შეხვედრაზე საქართველოს მხარდაჭერისთვის მადლობა გადაუხადა.