ათასწლეულის გამოწვევის ფონდი - საქართველოს და აშშ-ის ათასწლეულის გამოწვევის კორპორაციის პირველ ყოველწლიურ კონფერენციაზე სიტყვით განათლებისა და მეცნიერების მინისტრი ალექსანდრე ჯეჯელავა გამოვიდა.

 კონფერენციაზე, რომლის თემაც ,,პროფესიული განათლება ეკონომიკის განვითარებისთვის“ გახლდათ,  მინისტრმა იმ გამოწვევებზე ისაუბრა, რაც დღეს პროფესიული განათლების სისტემას აქვს. 

,,სამინისტროს ეწოდება განათლების სამინისტრო და არა სწავლის სამინისტრო იმიტომ, რომ განათლება არის უფრო ფართო კონცეფცია. ჩვენი მიზანია, ადამიანებს დავეხმაროთ უფრო სრულფასოვანი ცხოვრებით იცხოვრონ. არამარტო საქართველოში,  არამედ მთელ მსოფლიოში უკვე სცენიდან გადის  ერთი პროფესიის ცნება. მიუხედავად იმისა, თუ რამდენად წარმატებულია ადამიანი ერთ პროფესიაში,  მას უნდა ჰქონდეს სხვა ალტერნატივაც. ზოგადად, ძალიან წარმატებული ადამიანებს,  თავის პროფესიულ სარბიელზე ყოველთვის აქვთ სხვა პროფესიაც. ძალიან მნიშვნელოვანია ის რასაც ათასწლეულის გამოწვევის ფონდი აკეთებს მეორე კომპაქტის ფარგლებში, საქართველოს განათლებისთვის.  ეს არის ადამიანებისთვის ახალი ცხოვრების  ახალი მიდგომების შესაძლებლობა,“- განაცხადა მინისტრმა. 

მისივე თქმით, თითოეულ ადამიანს უმუშავია სამსახურში, სადაც უბრალოდ შრომობდა და ისეთშიც, სადაც ბოლომდე იხარჯებოდა. როგორც ალექსანდრე ჯეჯელავამ აღნიშნა, მთავრობამ უნდა შეძლოს მისცეს თავის ხალხს შესაძლებლობა, უყვარდეთ თავიანთი საქმე და ბოლომდე იხარჯებოდნენ. 

მისივე განცხადებით, პროფესიული განათლების პოპულარიზაციისთვის ბევრი საკითხია მოსაგვარებელი. 

,,პროფესიულმა განათლებამ ძალიან შორი გზა გამოიარა და კიდევ ბევრი რამ არის გასაკეთებელი. საბჭოთა კავშირის დროს პროფესიული განათლება იყო დასჯა ამ მოცემულობიდან ჩვენ უნდა მოვიდეთ იქ სადაც პროფესიული განათლებით ადამიანები იამაყებენ. ინფრასტრუქტურიდან დაწყებული სასწავლო პროგრამებით, დაფინანსებით დასრულებული ყველაფერი თავიდან არის დასაწყები. ამიტომაც დღეს ძალიან დიდი მადლობა მინდა გადავუხადო  კონფერენციის ორგანიზატორებს ამ თემით დაინტერესებისთვის და წინ წამოწევისთვის. იმიტომ რომ ეს არ არის მარტო პროფესიის შეძენა, ან სამუშაო ადგილების შექმნა ეს არის ადამიანებისთვის ბედნიერების შექმნა და სწორედ ეს არის ჩემი მიზანიც და ოცნებაც“- განაცხადა მინისტრმა. 

მან კონფერენციაზე დამსწრე საზოგადოებას მოუწოდა, მიუხედავად მათი სოციალური სტატუსისა და სამუშაო ადგილისა, თავადაც შეიძინონ დამატებითი განათლება და პროფესიული განათლების პოპულარიზაცია თავადაც მოახდინონ. 

შეგახსენებთ, სასტუმრო ,,რედისონ ბლუ ივერიაში“ ათასწლეულის გამოწვევის ფონდი - საქართველოს და აშშ-ის ათასწლეულის გამოწვევის კორპორაციის პირველი, ყოველწლიური, საერთაშორისო კონფერენცია მიმდინარეობს თემაზე: ,,პროფესიული განათლების როლი ეკონომიკის განვითარებისთვის“.
 
             
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა