თურქეთში მომხდარი სამხედრო გადატრიალების შედეგად 200-მდე ადამიანი გარდაიცვალა, - ამის შესახებ ინფორმაციას სააგენტო Associated Press-ი სამხედრო მეთაურზე დაყრდნობით ავრცელებს.

როგორც მეთაური უმიტ დუნდარი აცხადებს, თურქეთში განვითარებულ მოვლენებს 190-ზე მეტი ადამიანი ემსხვერპლა. მისივე თქმით, გარდაცვლილია 41 პოლიციელი, 2 სამხედრო პირი, 47 მშვიდობიანი მოქალაქე და 104 მეამბოხე.

ცნობისთვის, ამ დრომდე ვრცელდებოდა ინფორმაცია, რომ გარდაიცვალა 90 ადამიანი, 1154 კი მძიმედ დაშავდა.

შეგახსენებთ, რომ გუშინ თურქეთში სამხედრო გადატრიალება მოხდა.

სტამბოლისა და ანკარას ქუჩებში ტანკები და სხვა მძიმე შეიარაღება გამოჩნდა, საჰაერო სივრცეს ამბოხებულები თვითმფრინავების მეშვეობით აკონტროლებდნენ.

დაახლოებით, 200 ჯარისკაცი გენერალურ შტაბთან ახლოს სახელისუფლო ძალებს ჩაბარდა. დაკავებულთა რაოდენობა 1563-ს შეადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იზმირში ხალხს პოლიციამ ოპოზიციის ლიდერის მოსმენის უფლება არ მისცა და წყლის ჭავლით დაშალა

CENTCOM: აშშ-ის საზღვაო ძალებმა ბლოკადის დაწყებიდან, ირანთან დაკავშირებული 108 გემი ჩაკეტეს

გუტერეში: მსოფლიოში დაახლოებით 800 მილიონი ადამიანი კვლავ უკიდურეს სიღარიბეში ცხოვრობს

რუსეთი სომხეთს ევროკავშირთან დაახლოების გამო ნავთობისა და გაზის მიწოდების შეწყვეტით დაემუქრა