მოსკოვში ბორის ნემცოვის  პატივსაცემად სამგლოვიარო მარში დღეს 15:00 საათზე დაიწყება. 
რუსული მედიის ინფორმაციით, ქალაქის ცენტრში სამგლოვიარო მარშისთვის მზადება  ამ წუთებში მიმდინარეობს.  

გავრცელებული ინფორმაციით ცნობილია,  რომ ინციდენტამდე ცოტა ხნით ადრე რუსეთის ოპოზიციის ლიდერებს 1-ელ მარტს  ანტიკრიზისული  აქცია ჰქონდათ დაანონსებული, თუმცა აღნიშნული აქცია გადაიდო.

ოპოზიციის ერთ-ერთი ლიდერის მიხაილ კასიანოვის თქმით, ოპოზიციის წევრებსა  და ქალაქის მერს შორის შემდგარი მოლაპარაკებების შედეგად აღნიშნული აქციის დრო და ადგილი შეიცვალა.

„ჩვენ მიერ დაანონსებული აქცია მიმდინარე მოვლენებიდან გამომდინარე გადავდეთ და მოსკოვის მერთან მოლაპარაკებების შედეგად გადაწყდა, რომ ჩვენს აქციას ბორის ნემცოვის პატივსაცემად დაგეგმილი მარში ჩაანაცვლებს.  ველით, რომ დღევანდელ მარშზე  ათასობით ადამიანი შეიკრიბება, რომლებიც სოლიდარობას გამოუცხადებენ ბრძოლას უკეთესი ცხოვრებისათვის და ბრძოლას რუსეთის დემოკრატიისათვის“,-განაცხადა კასიანოვმა. 

შეგხსენებთ, რომ 27 თებერვალს,  რუსი პოლიტიკოსი და ოპოზიციი ერთ-ერთი ლიდერი ბორის ნემცოვი, მოსკოვის ცენტრში ვასილევსკის დაღმართზე ექვსი გასროლით მოკლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება