ივანე ჯავახიშვილის სახელობის თბილისის სახელმწიფო უნივერსიტეტში პოლკოვნიკ მალხაზ მერლანის საჯარო ლექცია გაიმართა. საქართველოს შეიარაღებული ძალების გენერალური შტაბის უფროსის მრჩეველთა ჯგუფის მრჩეველმა უნივერსიტეტის სტუდენტებს ლექცია მალიში ევროკავშირის საწვრთნელი მისიის შესახებ წაუკითხა.

ლექციის დაწყებამდე ახალგაზრდებს ნატოსა და ევროკავშირის შესახებ საინფორმაციო ცენტრის დირექტორის მოვალეობის შემსრულებელმა გიორგი ფარეშიშვილმა მიმართა და მსგავსი შეხვედრების მნიშვნელობაზე ისაუბრა.

პოლკოვნიკი მალხაზ მერლანი ხუთი თვის განმავლობაში მალის რესპუბლიკაში ევროკავშირის საწვრთნელ მისიაში (EUTM Mali) საქართველოს სამხედრო წარმომადგენლად მუშაობდა. სახელმწიფო უნივერსიტეტის სტუდენტებთან დღევანდელ შეხვედრაზე მან ყურადღება აღნიშნულ მისიაში საქართველოს მონაწილეობისა და მიღებული გამოცდილების მნიშვნელობაზე გაამახვილა.

სტუდენტებთან შეხვედრა კითხვა-პასუხის რეჟიმში გაგრძელდა. ღონისძიება ნატოსა და ევროკავშირის შესახებ საინფორმაციო ცენტრისა და საქართველოს თავდაცვის სამინისტროს ორგანიზებით გაიმართა.

თავდაცვის სამინისტროს წარმომადგენლები უწყების პრიორიტეტებსა და საქართველო-ნატოს ურთიერთობების შესახებ ლექციებს დედაქალაქისა და რეგიონის უმაღლეს საგანმანათლებლო დაწესებულებებში რეგულარულად მართავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თვისუფლება გადამდებია - PSP დამოუკიდებლობის დღისადმი მიძღვნილი ახალი კამპანია

"ერთად გამარჯვებისთვის!" - ოპოზიციის ალიანსი დღეს საპროტესტო აქციას გამართავს

რუბიომ ვაშინგტონსა და კიევს შორის აქტიური მოლაპარაკებების არარსებობის შესახებ განაცხადა

მეფე ჩარლზ III - მე და ჩემი მეუღლე გულთბილად ვულოცავთ ქართველ ხალხს საქართველოს დამოუკიდებლობის დღეს