ევროკავშირი მთიანი ყარაბაღის მხარეებს საბრძოლო მოქმედებების დაუყოვნებლივ შეწყვეტასა და ცეცხლის შეწყვეტის შესახებ შეთანხმების დაცვას თხოვს, - ამის შესახებ ევროკავშირის საგარეო საქმეთა და უსაფრთოხების პოლიტიკის უზენაესი წარმომადგენლის, ფედერიკა მოგერინის განცხადებაშია აღნიშნული.

„მთიან ყარაბარში ბრძოლის შესახებ ცნობები ღრმა შეშფოთებას იწვევს. მხარეებმა უნდა გამოაჩინონ თავშეკავებულობა და თავი შეიკავონ ისეთი ქმედბებეისა და განცხადებებისგან, რომლებიც კონფლიქტის ესკალაციას გამოიწვევს“, - ნათქვამია მოგერინის განცხადებაში,

ამასთან, მოგერინიმ მშვიდობიანი მოსახლეობის დაღუპვის გამო მწუხარება გამოთქვა.

ცნობისთვის, კონფლიქტის ზონაში სიტუაციის ესკალაციის შესახებ ცნობები დღეს დილით გავრცელდა. აზერბაიჯანი და სომხეთი ფრონტის ხაზზე არსებულ ვითარებაზე ურთიერთგამომრიცხავ ინფორმაციას ავრცელებენ. ბაქო სომხური ტექნიკის და ცოცხალი ძალის დიდ დანაკარგებზე საუბრობს, თავის მხრივ ერევანში აზერბაიჯანელი სამხედროების განადგურების შესახებ აცხადებენ.

მთიანმა ყარაბაღმა, რომელიც ძირითადად ეთნიკური სომხებით არის დასახლებლი, საკუთარი დამოუკიდებლობის შესახებ 1991 წელს გამოაცხადა, რასაც შეიარაღებული კონფლიქტი მოჰყვა. მას შემდეგ, რაც აზერბაიჯანის რეგიონმა დამოუკიდებლობა გამოაცხადა, სომხურმა შეიარღებულმა ძალებმა მისი ოკუპაცია მოახდინეს. ოკუპირებულია ასევე მთიანი ყარაბაღის მიმდებარედ აზერბაიჯანის 7 რაიონი. 1994 წელს აზერბაიჯანმა და სომხეთმა ცეცხლის შეწყვეტის შესახებ შეთანხმება გააფორმეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს

NATO-ს სამეკავშირეო ოფისი: ვუერთდებით ქართველ ხალხს საქართველოს დამოუკიდებლობის დღის აღნიშვნაში