ცესკოს მონაცემებით, 2025 წლის ადგილობრივი თვითმმართველობის არჩევნებზე ქართული ოცნების მერობის კანდიდატებმა 25 ოლქში ხმების 100% აიღეს, აღნიშნულ ოლქებში კენჭს მხოლოდ ოცნების წარმომადგენლები იყრიდნენ.

ხმების 100%, ცენტრალური საარჩევნო ადმინისტრაციის ინფორმაციით, ოცნებამ შემდეგ ოლქებში აიღო: საგარეჯო, გურჯაანი, დედოფლისწყარო, ყვარელი, თიანეთი, გარდაბანი, დმანისი, წალკა, თეთრიწყარო, ახალციხე, ადიგენი, ასპინძა, ახალქალაქი, ნინოწმინდა, ონი, ამბროლაური, ცაგერი, ლენტეხი, მესტია, საჩხერე, ბაღდათი, ვანი, ტყიბული, აბაშა და მარტვილი.

ასევე, ცენტრალური საარჩევნო კომისიის წინასწარი მონაცემებით, 64-ვე მუნიციპალიტეტში ქართული ოცნების მერობის კანდიდატი იმარჯვებს. 

4 ოქტომბერა დიდი და თვითმმართველი ქალაქებიდან ყველაში ამომრჩეველთა აქტივობა მნიშვნელოვნად ჩამოუვარდებოდა წინა თვითმმართველობის არჩევნებს.

აქედან 5-ში აქტივობა ჩამოუვარდება როგორც 2021 ისე 2017 წლების არჩევნებს.

ტაბულა აქტივობათა შედარებას გთავაზობთ:

1. თბილისი: 2025 - 31.08%, 2021 - 49.1%, 2017 - 43.4%;
2. ქუთაისი: 2025 - 32.51%, 2021 - 44.53%, 2017 - 35.36%;
3. რუსთავი: 2025 - 35.93%, 2021 - 48.7%, 2017 - 38.66%;
4. ზუგდიდი: 2025 - 31.84%, 2021 - 43.9%, 2017 - 37.99%;
5. ბათუმი: 2025 - 38.05%, 2021 - 52.36%, 2017 - 36.37%;
6. ფოთი: 2025 - 39.64%, 2021 - 52.01%, 2017 - 45.06%.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა