იტალიაში რუსი დირიჟორის, ვალერი გერგიევის დირიჟორობით დაგეგმილი სიმფონიური კონცერტი გაუქმდა. ამის შესახებ სააგენტო ANSA იტყობინება კასერტაში სამეფო სასახლის ხელმძღვანელობაზე დაყრდნობით, სადაც წარმოდგენა 27 ივლისს უნდა გამართულიყო.

გაუქმების მიზეზები არ დასახელებულა. ANSA-ს ცნობით, ვლადიმერ პუტინის რწმუნებულის მიერ 20 ივლისის საღამოს დაგეგმილმა კონცერტმა „ცხარე დავა და უკრაინული ორგანიზაციების მიერ შესაძლო საპროტესტო აქციების ორგანიზების შიში გამოიწვია“.

„ჰურა! გერგიევის კონცერტი იტალიაში გაუქმდა! <…> შემდეგი ნაბიჯი: გერგიევი სანქციების ქვეშ უნდა მოექცეს!“ — განაცხადა ალექსეი ნავალნის გუნდმა, რომელიც აქტიურად იბრძოდა რუსი დირიჟორის კონცერტის გაუქმების მოთხოვნით.

თავად გერგიევმა TASS-ს განუცხადა, რომ მას იტალიაში მისი კონცერტის გაუქმების შესახებ ინფორმაცია არ ჰქონდა.

ვალერი გერგიევი პუტინის სანდო პირი იყო 2012 და 2018 წლების საპრეზიდენტო არჩევნების დროს. 2014 წელს მან მხარი დაუჭირა ყირიმის ანექსიას, თუმცა 2022 წლის თებერვლის შემდეგ მან საჯაროდ არ დაგმო უკრაინაში რუსეთის სრულმასშტაბიანი შეჭრა.

2008 წლის ომის დროს, დირიჟორმა აგვისტოს ბოლოს კონცერტი ცხინვალში გამართა. იგი იმ დროს დირიჟორობდა კონცერტს როცა ცხინვალის ციხეში ათობით ტყვე იყო გამოკეტილი.

ავტორი: ექსპრესნიუსი,

სოციალური ქსელები

რატომ უნდა ივანიშვილი-კობახიძის დუეტს მოსახლეობის უფრო მეტად გაღატაკება

ირაკლი კობახიძე აშშ-ს სახელმწიფო დეპარტამენტის წარმომადგენლებს შეხვდა

ორ თვეში საქართველოს სანაპიროზე დაახლოებით 40 დელფინი გამოირიყა

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის