ნება მიბოძეთ, გითხრათ, რომ თქვენ და თქვენმა მეგობრებმა გამოიჩინეთ გასაოცარი გამბედაობა და სიმტკიცე მშვიდობიან ძალისხმევაში დაიცვათ დემოკრატია, კანონის უზენაესობა და თქვენი ქვეყნის ევროპული მომავალი, - ასე მიმართა ევროპარლამენტის საგარეო ურთიერთობათა კომიტეტის თავმჯდომარემ, დევიდ მაკკალისტერმა საქართველოს სამოქალაქო საზოგადოების ლიდერებს, რომლებიც დღეს კომიტეტის სხდომას დაესწრნენ.

„თქვენი ყოფნა დღეს აქ, ევროპარლამენტის საგარეო საქმეთა კომიტეტის სხდომაზე ძლიერ მესიჯს აგზავნის, რომ ქართველი ხალხი ევროპული ღირებულებების მიმართ ერთგული რჩება და ნება მიბოძეთ, დავამატო: თქვენ მარტო არ ხართ, ჩვენ თქვენთან ვართ. გმადლობთ იმისთვის, რომ აქ ხართ და გმადლობთ ყველაფრისთვის, რაც საქართველოსთვის გააკეთეთ და ასე გააგრძელეთ“, - აღნიშნა დევიდ მაკკალისტერმა.

ცნობისთვის, ევროპარლამენტს არასამთავრობო სექტორის წარმომადგენლები, მათ შორის ნინო ლომჯარია, ეკა გიგაური, ქეთი ხუციშვილი და ნინო ევგენიძე სტუმრობენ.

ავტორი: ექსპრესნიუსი,

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის