შემოსავლების სამსახურის თანამშრომლებმა 11 მარტს, „სადახლო-საავტომობილო“-სსაბაჟო გამშვებ პუნქტზე ოქროს ნაკეთობების უკანონო შემოტანის მცდელობა გამოავლინეს.

როგორც "ექსპრესნიუსს" შემოსავლების სამსახურიდან აცნობეს, სომხეთის მხრიდან შემოსული ავტომობილის ეჭვის საფუძველზე დათვალიერების შედეგად, მათ 7555,88 ლარის ღირებულების, საერთო წონით 111,76 გრამი არადეკლარირებული ოქროს ნაკეთობები აღმოაჩინეს. ავტომობილს მართავდა ყაზახეთის მოქალაქე მ.ზ.

მათივე ინფორმაციით, მსგავსი ფაქტი მოხდა 13 მარტს, საბაჟო გამშვებ პუნქტზე „სარფი“. საქართველოს მოქალაქე ნ.რ.ო.-ის კუთვნილი ხელბარგის ეჭვის საფუძველზე დათვალიერების შედეგად, მებაჟე ოფიცრებმა საერთო წონით 101,2  გრამი, არადეკლარირებული ოქროს ნაკეთობები აღმოაჩინეს. საქონლის საბაჟო ღირებულებამ შეადგინა 5706,68 ლარი.

ორივე შემთხვევაში, მგზავრებს, საგადასახადო კოდექსის 289-ე მუხლის მე-10 ნაწილის თანახმად, სანქციის სახით შეეფარდათ ფულადი ჯარიმა, შესაბამისად, 7555,88 ლარისა და 5706,68 ლარის ოდენობით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მათში გამჯდარია და გარანტია აქვთ დაუსჯელობის სინდრომის - სამუშია პოლიციელებზე

კობახიძე: ვნახე კადრები, შესაბამის უწყებებს უნდა ჰქონდეთ და ექნებათ სათანადო რეაგირება

ქართული ოცნების პოლიტიკის გარდაუვალი შედეგია – თავისუფლების მოედანი გორში მომხდარზე

მეუფე ზენონი: პოლიციელების მსგავსი ქმედებები მხოლოდ ფიზიკური ძალადობის ფაქტი არ არის - ეს ტოვებს ყველაზე დამთრგუნველ კვალს