ქუმსიშვილი: ეს არის პირველი ეკონომიკური კომისია, რომელმაც საქართველოსა და ყირგიზეთს შორის ურთიერთობას ბიძგი უნდა მისცეს

2016-03-15 11:06:16, 632 ნახვა

ეკონომიკა

დღეს ჩვენ ყირგიზეთთან ეკონომიკური ურთიერთობის კომისიის პირველ სხდომას ჩავატარებთ, - ამის შესახებ ეკონომიკისა და მდგრადი და განვითარების მინისტრმა, ვიცე-პრემიერმა დიმიტრი ქუმსიშვილმა განაცხადა.

როგორც მინისტრმა აღნიშნა, კომისია ძალიან მნიშვნელოვანია ორ ქვეყანას შორის ურთიერთობების გასაღრმავებლად - როგორც სავაჭრო, ასევე საინვესტიციო ურთიერთობებისათვის.

მისივე თქმით, დღეს შეხვედრაზე რამდენიმე საკითხი იქნება განსახილველად წარმოდგენილი. როგორც სოფლის მეურნეობის, ასევე ენერგეტიკის, ტურიზმის, ვაჭრობის, ასევე ინვესტიციების მიმართულებით და ინოვაციებისა და კავშირგაბმულობის მიმართულებით.

„გუშინ ჩვენ რამდენიმე სამუშაო შეხვედრა გვქონდა, როგორც მინისტრთან ასევე ექსპერტების დონეზე. რამდენიმე საერთაშორისო ხელშეკრულება, რომელიც ყირგიზეთთან გვაქვს დადებული გვინდა აღნიშნული ხელშეკრულებების აქტუალიზაცია“, - განაცხადა დიმიტრი ქუმსიშვილმა.

როგორც ეკონომიკის მინისტრმა აღნიშნა ყირგიზი ხალხი არის საქართველოს მეგობარი. ეს ორი ქვეყანა ძალიან ჰგავს ერთმანეთს, რადგან ორივე სახელმწიფო მთაგორიანი სახელმწიფოა.

„ჩვენ ვიმედოვნებთ, რომ ჩვენი მეგობრობა და ჩვენი სტრატეგიული პარტნიორობა ჩვენი ქვეყნების კეთილდღეობაზე წარმატებით აისახება. რაც შეეხება ძირითად მიმართულებებს ესენია: ტურიზმი, სოფლის მეურნეობა და ენერგეტიკა, ასევე ვითანამშრომლებთ ინოვაციებისა და საავტორო უფლბების დაცვის ნაწილშიც. ეკონომიკის მინისტრის თქმით, ყირგიზეთთან მიმართებაში ბრუნვა არის პატარა“, -განაცხადა ვიცე-პრემიერმა.

მისივე თქმით, მთლიანი ბრუნვა 10 მილიონ დოლარსაც კი არ აღწევს და შეადგენს 8 მილიონ დოლარს.

„ჩვენ მიგვაჩნია, რომ აქ არსებობს დიდი პოტენციალი იმისათვის, რომ სავაჭრო ბრუნვა გაიზარდოს. ეს არის პირველი ეკონომიკური სახის კომისია, რომელმაც უნდა ამ ორ ქვეყანას შორის ურთიერთობის გაღრმავებას ბიძგი მისცეს, აქედან გამომდინარე მომავალში ჩვენ კერძო სექტორის წახალისებას შევძლებთ“, - განაცხადა დიმიტრი ქუმსიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან