მუქარა და ზეწოლა არ არის ჩინეთთან ურთიერთობის სწორი გზა, – ამის შესახებ ჩინეთის საგარეო საქმეთა სამინისტროს პრესსპიკერმა, ლი ციანმა განაცხადა.

პრესსპიკერის თქმით, შეერთებული შტატები, სხვადასხვა საბაბით, აწესებს ტარიფებს ყველა სავაჭრო პარტნიორზე, მათ შორის ჩინეთზე, რაც სერიოზულად არღვევს მსოფლიო სავაჭრო ორგანიზაციის წესებს.

„ჩინეთის მთავრობამ ნათლად გამოხატა თავისი პოზიცია აშშ-ის მიერ ტარიფების ბოროტად გამოყენების შესახებ. შეერთებული შტატები, სხვადასხვა საბაბით, აწესებს ტარიფებს ყველა სავაჭრო პარტნიორზე, მათ შორის ჩინეთზე, რაც მძიმედ არღვევს სხვა ქვეყნების კანონიერ უფლებებსა და ინტერესებს, სერიოზულად არღვევს მსოფლიო სავაჭრო ორგანიზაციის წესებს, მნიშვნელოვნად აზიანებს წესებზე დამყარებულ მულტილატერალურ სავაჭრო სისტემას და არღვევს გლობალურ ეკონომიკურ წესრიგს, სტაბილურობას. ჩინეთის მთავრობა მკაცრად გმობს და მტკიცედ ეწინააღმდეგება ასეთ ქმედებებს. აშშ-ის მიდგომა არის ტიპური ცალმხრივობის, პროტექციონიზმისა და ეკონომიკური ბულინგის აქტი, რომელიც ზიანს აყენებს სხვებს, მაგრამ საბოლოოდ თავადვე უბრუნდება უკან“, – განაცხადა ციანმა.

შეგახსენებთ, აშშ-ის პრეზიდენტმა, დონალდ ტრამპმა ტრამპმა ჩინეთს დამატებითი 34-პროცენტიანი ტარიფები დაუწესა. მანამდე დაწესებულ 20%-იან ტარიფთან ერთად, ჯამში, ჩინეთისთვის ტარიფები 54%-მდე გაიზარდა. საპასუხოდ, ჩინეთმა აშშ-ს დამატებითი 34%-იანი ტარიფი დაუწესა.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა