აშშ-ს ფინანსთა მინისტრმა, სკოტ ბესნეტმა ამერიკელ ჟურნალისტთან, ტაკერ კარლსონთან ინტერვიუში განაცხადა, რომ უკრაინის პრეზიდენტმა ვოლოდიმირ ზელენსკიმ 28 თებერვალს ყველაზე მარტივად ხელმოსაწერი იშვიათი მინერალების შეთანხმება გააფუჭა.

"ის მივიდა ოვალურ ოფისში და მსოფლიოში ყველაზე მარტივად გასაკეთებელი საქმე ჩაშალა". - აღნიშნა ბესენტმა ინტერვიუში.

მისი თქმით, ზელენსკის საკუთარი უკმაყოფილება კერძო შეხვედრაზე შეეძლო გამოეხატა. 

"ჩვენ უნდა გვქონოდა კერძო ლანჩი, თუ მას რაიმე წინააღმდეგობა ჰქონდა, იქ იქნებოდა ცხრა ჩვენი წარმომადგენელი და ცხრა მათგანი". - თქვა აშშ-ს ფინანსთა მინისტრმა.

ბესენტის თქმით, ის იმედოვნებს, რომ ეს "შეცდომა" გამოსწორდება. "ჩვენ ველოდებით უკრაინის ტექნიკურ ჯგუფს მომავალ კვირაში და იმედი მაქვს, რომ ჩვენ შევძლებთ ამ საკითხის ხელმოწერას და ორივე მხარე გამარჯვებულ სიტუაციაში აღმოჩნდება". - აღნიშნა მინისტრმა.

მანამდე, 31 მარტს აშშ-ს პრეზიდენტმა, დონალდ ტრამპმა განაცხადა რომ ზელენსკი იშვიათი მინერალების შეთანხმებიდან უკან დახევას ცდილობს.

"ვფიქრობ, ზელენსკი ცდილობს უკან დაიხიოს იშვიათი მინერალების შეთანხმებიდან და თუ ამას გააკეთებს, მას პრობლემები შეექმნება, ძალიან დიდი პრობლემები". - თქვა ტრამპმა Air Forc One-ზე ყოფნისას.

"ჩვენ შევთანხმდით იშვიათ მინერალებზე და ახლა ის [ზელენსკი] ამბობს, "იცით, მე მინდა ხელახლა გადავხედოთ მას. თუ ის აპირებს შეთანხმების გადახედვას, მას დიდი პრობლემები ექნება". - აღნიშნა ტრამპმა.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა