რუსეთმა აშშ-ს იემენელ ჰუსიტებზე იერიშების შეწყვეტისკენ და დიალოგისკენ მოუწოდა

2025-03-16 14:02:46, 769 ნახვა

მსოფლიო

რუსეთმა აშშ-ს იემენელ ჰუსიტებზე იერიშების შეწყვეტისკენ და მხარეებთან დიალოგისკენ მოუწოდა. ინფორმაცის რუსეთის საგარეო საქმეთა სამინისტრო ავრცელებს.

რუსეთის საგარეო უწყების ვებსაიტზე გამოქვეყნებული პრესრელიზის თანახმად, აღნიშნული მოწოდება საგარეო საქმეთა მინისტრმა სერგეი ლავროვმა აშშ-ს სახელმწიფო მდივან მარკო რუბიოსთან სატელეფონო საუბრისას გაახმოვანა.

ლავროვმა და რუბიომ ტელეფონით 15 მარტს ისაუბრეს. პრესრელიზში აღნიშნულია, რომ რუბიომ საუბრისას ლავროვს აშშ-ს გადაწყვეტილების შესახებ შეატყობინა, განეხორციელებინა საჰაერო იერიში ჰუსიტების დაჯგუფების წინააღმდეგ იემენში.

"სერგეი ლავროვმა, ამერიკის წარმომადგენლის არგუმენტების საპასუხოდ, ხაზი გაუსვა ყოველი მხარის მიერ ძალის გამოყენების დაუყოვნებლივ შეწყვეტის საჭიროებასა და პოლიტიკური დიალოგის დაწყების მნიშვნელობას, რათა მოინახოს გამოსავალი, რომელიც შემდგომი სისხლისღვრის პრევენციას მოახდენს". - წერია პრესრელიზში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,