2025-02-20 11:39:05, 434 ნახვა

---

საია - ბოლო პერიოდში, პარლამენტში კანონპროექტების 86% დაჩქარებულად განიხილეს, მათ შორის რეპრესიული ცვლილებები

ახალგაზრდა იურისტთა ასოციაციის ინფორმაციით, ბოლო პერიოდში,  პარლამენტში ინიციირებული კანონპროექტების 86% დაჩქარებულად განიხილეს, მათ შორის რეპრესიული და არადემოკრატიული ცვლილებები.

საიას ცნობით, ბოლო 3 თვეში, 37 საკანონმდებლო ინიციატივიდან 20 დაჩქარებული წესით განიხილეს, 12 ინიციატივა გამარტივებული პროცედურით მიიღეს.

"არალეგიტიმური პარლამენტი რეპრესიულ კანონებს დაჩქარებული წესით ამტკიცებს. "ქართული ოცნება" ფორმალური დემოკრატიის დაცვაზეც კი უარს ამბობს და გადაწყვეტილებებს სწრაფად, განხილვის გარეშე იღებს. სამართლებრივი სახელმწიფოსა და უსაფრთხოების პრინციპებს ზიანს აყენებს დაჩქარებული პროცედურების უსაფუძვლო გამოყენება, რაც კანონების ლეგიტიმაციასა და ხარისხზე აისახება", - ამბობენ საიაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი