ხიდაშელი: ამერიკის მთავრობამ გვაცნობა, რომ ბათირაშვილის ლიკვიდაციის შესახებ ვარაუდი არსებობს, თუმცა ეს არის ვარაუდი

2016-03-09 11:57:38, 1116 ნახვა

კომენტარი

თავდაცვის მინისტრის თინა ხიდაშელის განცხადებით, მისმა უწყებამ თარხარ ბათირაშვილის შესაძლო ლიკვიდაციასთან დაკავშირებით ინფორმაცია დღეს დილით მიიღო.

როგორც ხიდაშელმა აღნიშნა, სხვა დამატებითი დეტალი ამ დროისთვის უცნობია.

"ამის შესახებ ინფორმაცია, მე დღეს დილით მომივიდა, მაგრამ რა თქმა უნდა ამის შესახებ არაფრის თქმა არ შემიძლია. ამ წუთის მდგომარეობით, ჩვენ ზუსტად ისევე ველოდებით საბოლოო პასუხებს, როგორც დანარჩენი საზოგადოება. ჩვენს პარტნიორებთან აქტიური და ქმედითი ურთიერთობა გვაქვს ნებისმიერ საკითხზე. მათ გვაცნობეს, ხაზგასმით ვამბობ, რომ ასეთი ვარაუდი არსებობს, თუმცა ეს არის ვარაუდი", - განაცხადა თინა ხიდაშელმა, ნატო-ს წევრი ქვეყნების ელჩებთან შეხვედრის დასრულების შემდეგ.

შეგახსენებთ, დასავლური მედიის ინფორმაციით, ამერიკის შეერთებული შტატების სამხედრო ძალებმა "ისლამური სახელმწიფოს“ ერთ-ერთი ლიდერის, წარმოშობით პანკისელი ტერორისტის, აბუ ომარ ალ-შიშანის, იგივე თარხან ბათირაშვილი შესაძლოა, ლიკვიდირებული იყოს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან