აქციაზე დაშავებული 21 წლის ალექსანდრე თირქია ინგოროყვას კლინიკიდან გაწერეს. ამის შესახებ თავად თირქია სოციალურ ქსელ „ფეისბუქზე“ წერს.

თირქიას თქმით, მკურნალობას და რეაბილიტაციას აგრძელებს.

„მოგესალმებით, მეგობრებო, სასიხარულო ამბავი მაქვს, გამომწერეს ინგოროყვას კლინიკიდან.

ვაგრძელებ მკურნალობას და რეაბილიტაციას. ძალიან დიდი მადლობა ყველას ყურადღებისთვის, პატივისცემისთვის და გვერდში დგომისთვის“,- წერს თირქია. 

შეგახსენებთ, ექიმების ინფორმაციით, საპროტესტო აქციაზე დაშავებულ 21 წლის ალექსანდრე თირქიას სკალპის ღია ჭრილობა, შუბლის ძვლის და თვალბუდის და ზედა კიდის კედლის მოტეხილობა, ასევე, შუბლის წილის კონტუზიური დაზიანება აღენიშნებოდა. ექიმის განცხადებით, პაციენტს თავის ტვინის გარსებში ტრავმული სისხლჩაქცევებიც აღენიშნებოდა, რის გამოც, ოპერაცია ჩაუტარდა. ამის შემდეგ ის მედიკამენტოზური ძილის ქვეშ იმყოფებოდა. თირქია სამედიცინო დაწესებულებაში 3 დეკემბრიდან იმყოფებოდა.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა