სამგორის რაიონში, აბაშვილის ქუჩის N3-ში, სამხედრო ქალაქის ტერიტორიაზე, პარკის მოწყობის სამუშაოები დაიწყო.

სამუშაოების მიმდინარეობას დღეს დედაქალაქის მერი კახა კალაძე მოადგილეებთან - ანდრია ბასილაიასა და ირაკლი ბენდელიანთან ერთად გაეცნო.

"სამგორის რაიონში კიდევ ერთი, ძალიან დიდი პროექტი ხორციელდება. აქ საქალაქო მნიშვნელობის პარკი გაკეთდება. ეს სიდიდით მეორე პროექტი იქნება დედაქალაქში. პირველი არის თემქის ხევი, რომლის სამუშაოებსაც უახლოეს მომავალში ვამთავრებთ და რომლის ფართობი 25 ჰექტარია, ეს პარკი კი დაახლოებით 18 ჰექტარი გამოდის. აქ ყველა თაობის ადამიანზე იქნება გათვლილი სივრცეები დასვენებისთვის, გართობისა და ვარჯიშისთვის. მოეწყობა  ველობილიკები, ძაღლების სასეირნო სივრცეები. სიახლეა, რომ აღნიშნულ პარკს დაემატება პატარა ველოტრეკი, სპორტული ველოსიპედებისთვის იქნება შესაბამისი სივრცე. ტერიტორია გამწვანდება, განათდება, მოეწყობა მოსასვენებელი სივრცეები. პარკის სამუშაოები 2026 წლისთვის დასრულდება, რადგან ძალიან მასშტაბური პროექტია და ყველაფერი ძირფესვიანად არის გასაკეთებელი",- განაცხადა კახა კალაძემ.

პარკის ტერიტორიაზე ასევე დაგეგმილია საფეხმავლო ბილიკების, სპორტული მოედნების, საბავშვო სივრცეების, ფანჩატურების,  სკეიტ პარკის, პარკურ პარკის, საჭადრაკო სივრცის, მშრალი შადრევნისა და ამფითეატრის, ასევე გარე განათების, სარწყავი და ვიდეომეთვალყურეობის სისტემის მოწყობა. 

პროექტის ფარგლებში, ტერიტორიაზე დაირგვება 8 300 ძირი ნერგი და დაითესება ბალახი. 
სამუშაოები მერთან ერთად თბილისის მერიის გარემოს დაცვის საქალაქო სამსახურის უფროსმა პაატა ტოგონიძემ და რაიონის მაჟორიტარმა დეპუტატმა რევაზ სოხაძემ დაათვალიერეს.

ინფორმაციას თბილისის მერია ავრცელებს.

ავტორი: NS (სტატია დაფინანსებულია),

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია