არასამთავრობოები მამუკა ახვლედიანის გათავისუფლებაზე: ეს ტოვებს შერჩევითი მიდგომისა და ახვლედიანის დევნის შთაბეჭდილებას

2016-02-22 18:39:07, 683 ნახვა

სამართალი

თბილისის საქალაქო სასამართლოს უკვე ყოფილი თავმჯდომარის მამუკა ახვლედიანის თანამდებობიდან გადაყენებაში არასამთავრობო სექტორის წარმომადგენლები კითხვის ნიშნებს ხედავენ და საბჭოს გაუმჭვირვალე მუშაობაზე საუბრობენ.

მათი თქმით, დღევანდელი გადაწყვეტილება გაუგებარი და ლოგიკას მოკლებულია.

„ეს პროცესი კანონმდებლობით უნდა იყოს გამართული, წინააღმდეგ შემთხვევაში ეს ნამდვილად ტოვებს შერჩევითი მიდგომისა და ახვლედიანის დევნის შთაბეჭდილებას,“ - აცხადებს საია-ს თავმჯდომარე ანა ნაცვლიშვილი.

„საერთაშორისო გამჭვირვალობა - საქართველოს“ აღმასრულებელი დირექტორი ეკა გიგაური კი აცხადებს, რომ ამ პროცესიდან გამომდინარე სასამართლო სისტემის წარმომადგენლებს გამჭვირვალეობაზე პრეტენზია არ უნდა ჰქონდეთ.

„ეს არის მაგალითი თუ როგორ შეიძლება იდევნებოდეს განსხვავებული აზრი სასამართლოში. ამ ყველაფრის შემდეგ რთული იქნება სასამართლო სისტემას გამჭვირვალეობაზე ჰქონდეს პრეტენზია,“ - აცხადებს ეკა გიგაური.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან