2024-07-04 15:54:25, 680 ნახვა

---

პუტინი - მოსკოვის წინადადებამ შეიძლება დაასრულოს საომარი მოქმედებები, თუ კიევი და მისი სპონსორები მის მისაღებად მზად იქნებიან

მოსკოვის წინადადებამ შეიძლება დაასრულოს საომარი მოქმედებები, თუ კიევი და მისი დასავლელი სპონსორები მზად იქნებიან წინადადების მისაღებად,- ამის შესახებ რუსეთის პრეზიდენტმა, ვლადიმერ პუტინმა "შანხაის თანამშრომლობის ორგანიზაციის“ სახელმწიფოს მეთაურთა საბჭოს სხდომაზე გამოსვლისას განაცხადა.

როგორც პუტინმა აღნიშნა, მზად არის, კონფლიქტის დასასრულებლად, "შანხაის თანამშრომლობის ორგანიზაციის“ წევრების ინიციატივები გაითვალისწინოს.

მისივე თქმით, რუსეთს "არასოდეს უთქვამს უარი მოლაპარაკებებზე და მის გასაგრძელებლად ისევ მზადაა".

"ივნისის შუა რიცხვებში ჩვენ წარმოვადგინეთ მოგვარების კიდევ ერთი ვარიანტი, რომელიც თუკი უკრაინული მხარე და რაც მთავარია, მისი დასავლელი სპონსორები მზად იქნებიან მიიღონ, მოგვცემს საშუალებას, ფაქტობრივად, დაუყოვნებლივ შევწყვიტოთ საბრძოლო მოქმედებები, გადავარჩინოთ ადამიანების სიცოცხლე და დავიწყოთ მოლაპარაკებები“,- თქვა პუტინმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი