ავღანეთში, ბაგრამის საავიაციო ბაზაზე 51-ე ბატალიონის სამხედრო მოსამსახურეების დაჯილდოების ცერემონია გაიმართა.

თავდაცვის სამინისტროს ინფორმაციით, ავღანეთის ისლამურ რესპუბლიკაში საქართველოს უფროსმა სამხედრო წარმომადგენელმა, პოლკოვნიკმა მამუკა ქავთარაძემ "მტკიცე მხარდაჭერის" მისიაში მონაწილე ქართველ სამხედროებს თავდაცვის სამინისტროს უწყებრივი მედლები გადასცა. ქვეყნის თავდაცვისუნარიანობის განმტკიცების საქმეში გამოჩენილი დამსახურებისთვის საქართველოს შეიარაღებული ძალების სახმელეთო ჯარების V-ე ქვეითი ბრიგადის 51-ე ბატალიონის სამმა სამხედრო მოსამსახურემ მედლები "სამშობლოსათვის თავდადებული" მიიღო.
სამინისტროს ცნობით, ჯილდოები გადაეცათ აშშ-ს საზღვაო ქვეითების წარმომადგენლებსაც. საქართველოს და ამერიკის შეერთებულ შტატებს შორის სამხედრო თანამშრომლობის განვითარების საქმეში შეტანილი წვლილისთვის, ქართული ქვედანაყოფების მომზადების პროგრამის XIV როტაციის მეკავშირეთა ჯგუფის (GLT) ორმა საზღვაო ქვეითმა  მედალი "გენერალი მაზნიაშვილი" მიიღო.
"მტკიცე მხარდაჭერის" მისიაში მყოფი ქართველ სამხედრო მეთაურობასთან ერთად, დაჯილდოების ცერემონიას  კოალიციური ძალების ხელმძღვანელი პირებიც დაესწრნენ.
საქართველოს შეიარაღებული ძალების V ქვეითი ბრიგადის 51-ე ბატალიონი ამერიკელ საზღვაო ქვეითებთან ერთად, სრული სპექტრის ოპერაციებს ახორციელებს. მათი მთავარი ამოცანა ბაგრამის საავიაციო ბაზის უსაფრთხოების დაცვაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება