2015-02-10 19:24:14, 1452 ნახვა

---

კვირიკაშვილი: ტურისტების შემოდინება შემცირებულია იმ ქვეყნებიდან, რომლებთანაც სავიზო რეგულაცია არ გვაქვს

„ტურისტების შემოდინება შემცირებულია იმ ქვეყნებიდან, რომლებთანაც სავიზო რეგულაცია არ გვაქვს, კერძოდ თურქეთიდან, აზერბაიჯანიდან და სომხეთიდან“,-ამის შესახებ ეკონომიკისა და მდგრადი განვითარების მინისტრმა გიორგი კვირიკაშვილმა განაცხადა.
გიორგი კვირიკაშვილი მიიჩნევს, რომ  ტურისტების შემოსვლის მაჩვენებლის კლება ძირითადად რეგიონში მიმდინარე ეკონომიკური პროცესების ანარეკლია.
 „ობიექტური სურათი გახლავთ ისეთი, რომ ტურისტების შემოდინება შემცირებულია იმ ქვეყნებიდან, რომლებთანაც სავიზო რეგულაცია არ გვაქვს. ძირითადი ქვეყნების პირველი სამეული გახლავთ თურქეთი, აზერბაიჯანი და სომხეთი. ამ მიმართულებით,  ჩვენ გვაქვს თურქეთიდან  ვიზიტორების სერიოზული კლება, თუმცა, აბსოლუტურად გულწრფელად უნდა ვთქვა ისიც, რომ სავიზო რეგულაციებმა, სადაც იყო გარკვეული ბიუროკრატიული გადაჭარბებები,  მცირეოდენი, მაგრამ მაინც ზიანი მიაყენა ტურისტების შემოსვლის მაჩვენებელს. მაგრამ კიდევ ერთხელ ვამბობ - უდიდეს წილად ეს არის რეგიონში მიმდინარე ეკონომიკური პროცესების ანარეკლი“,-განაცხადა კვირიკაშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი