ნატოს გენერალური მდივნის მოადგილე ალექსანდრ ვერშბოუ ვაზიანის პოლიგონზე  საქართველოს თავდაცვის მინისტრთან და შეიარაღებული ძალების უფროსთან ერთად საველე სწავლებას დაესწრო.

ასეულის  ტაქტიკური ჯგუფის პროგრამა  სპეციალურად  ვერშბოუსთვის შემუშავდა.

„ჩვენ ვიმყოფებით ვაზიანის სამხედრო ბაზაზე, სადაც  ქართული შეიარაღებული ძალების მომზადებას ვადევნებთ თვალს. აშკარაა ის  სამუშაო, რაც ბოლო წლების განმავლობაში  საქართველოს შეიარაღებულ ძალებში ჩატარდა. საქართველო აქტიურად მონაწილეობს ავღანეთის  სამშვიდობო მისიაში. თანამშრომლობა კი ალიანსსა და საქართველოს შორის  კიდევ უფრო ღრმავდება, რასაც ის ფაქტიც მოწმობს, რომ უახლოეს მომავალში აქ ნატოს საწვრთნელი  ცენტრი გაიხსნება“, - განაცხადა ვერშბოუმ.

ამასთან, თავდაცვის მინისტრმა მინდია ჯანელიძემ ჟურნალისტებთან საუბრისას აღნიშნა, რომ მიმდინარეობს ნატო-სთან  ერთობლივი წვრთნის შეფასების ცენტრის ადგილის მოძიება.

„ძიების პროცესი გრძელდება  და ვაზიანი არის ერთ-ერთი ადგილი, სადაც შეიძლება ნატო-ს საწვრთნელი ცენტრი გაიხსნას“,-განაცხადა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება