ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე ევროკავშირი-საქართველოს ბიზნესსაბჭოს (EUGBC) დირექტორთა საბჭოსა და წევრი კომპანიების წარმომადგენლებს შეხვდა.

შეხვედრა სასტუმრო „თბილისი მარიოტში“ გაიმართა.

შეხვედრაზე ევროკავშირსა და საქართველოს შორის ასოცირების შეთანხმების განხორციელების 2015 წლის სამოქმედო გეგმა განიხილეს.

„ძალიან საინტერესო შეხვედრა იყო. განვიხილეთ უამრავი საკითხი მათ შორის შეხვედრაზე ყურადღება ევროკავშირთან თავისუფალი სავაჭრო სივრცის შესახებ (DCFTA) შეთანხმებით გათვალისწინებული რეფორმების განხორციელების საკითხებზე გამახვილდა“, - განაცხადა ბაქრაძემ.

საქართველო-ევროკავშირის ბიზნეს-საბჭოს წევრებმა დავით ბაქრაძისგან მიმდინარე წლის გაზაფხულზე დაგეგმილი აღმოსავლეთ პარტნიორობის რიგის სამიტისთვის მზადების პროცესსა და მოლოდინებზე მოისმინეს დეტალური ინფორმაცია.

შეხვედრაზე საუბარი ასევე, 2015 წლის აპრილში, ბრიუსელში დაგეგმილი ბიზნეს-კონფერენციისთვის მზადების საკითხებსაც შეეხო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება