„აზიის განვითარების ბანკმა“ (ADB) კორონავირუსის ვაქცინაზე ხელმისაწვდომობისთვის წევრ ქვეყნებს 20.3 მილიონი აშშ დოლარის ოდენობის ტექნიკური დახმარება გამოუყო.

ამის შესახებ ინფორმაციას აზიის განვითარების ბანკი ავრცელებს.

მათივე ცნობით, ფულადი რესურსი ხელმისაწვდომი იქნება ADB-ის განვითარებადი წევრებისთვის ვაქცინასთან დაკავშირებული ჯანდაცვის სისტემების შეფასებისა და ქვეყნის მზაობის გეგმის განსავითარებლად.

ფულადი რესურსი წევრებს დაეხმარება, შეაფასონ და გააძლიერონ ვაქცინის ჯაჭვი და ლოგისტიკა, ინფექციის კონტროლი, ჯანდაცვის სფეროს მუშაკების მომარაგება და უნარები, რისკების კომუნიკაცია და რეალურ დროში მონაცემთა აღრიცხვა და ზედამხედველობა. ტექნიკური დახმარება ასევე დაეხმარება ინოვაციური ცივი ჯაჭვის იდენტიფიკაციასა და ხელშეწყობას და ვაქცინის მიწოდების მონიტორინგის ტექნოლოგიებს.

„აზიისა და წყნარი ოკეანის რეგიონმა კოვიდ-19-ის გავრცელების შესაკავებლად კარგად იმუშავა. ვირუსის წინააღმდეგ ბრძოლის შემდეგი საფეხური უსაფრთხო, ეფექტური და საჭირო რაოდენობის ვაქცინაზე ხელმისაწვდომობის უზრუნველყოფაა“, - განაცხადა აზიის განვითარების ბანკის მდგრადი განვითარების და კლიმატის ცვლილებების დეპარტამენტის გენერალურმა დირექტორმა, ვოჩონგ უმმა.

მისივე თქმით, აღნიშნული გრანტით, ADB-ის შეუძლია დაეხმაროს განვითარებად წევრებს მიიღონ სასწრაფო ზომები, მათ შორის ვაქცინის სისტემის შეფასებისა და ვაქცინის განაწილების სტრატეგიების განსასაზღვრად, რათა უზრუნვეყოფილ იქნას ვაქცინის ეფექტურად და სამართლიანად მიწოდება.

ამასთან, ADB ტექნიკურ დახმარებას UNICEF-თან და მსოფლიო ჯანდაცვის ორგანიზაციასთან ერთად განახორციელებს, რომელსაც COVAX-თან, Gavi-სთან, მსოფლიო ბანკთან და სხვა სააგენტოებთან კოორდინაციის საშუალებით გეგმავს.

აღნიშნული თანხიდან 20 მილიონ აშშ დოლარს აზიის განვითარების ბანკის ტექნიკური დახმარების სპეციალური ფონდი (TASF) გამოყოფს, ხოლო 300 000 აშშ დოლარი იაპონიის მთავრობის მაღალი დონის ტექნოლოგიების ფონდის მიერაა დაფინანსებული.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია