რასაკვირველია, ეს ტრიუკი,  პროპაგანდისტული ფანდია, - ასე ეხმაურება პარლამენტის ვიცე-სპიკერი გია ვოლსკი ოპოზიციური პარტიების მართლმსაჯულების სისტემაზე შეთანხმებას.

როგორც მან ჟურნალისტებს განუცხადა, შეთანხმებას ხელი იმ ოპოზიციურმა პარტიებმა მოაწერეს, რომლებიც საკუთარი პარტიული ორგანიზაციების ზედაპირზე შენარჩუნებას ცდილობენ.

„ვიღაცამ ირონიულად თქვა, რად უნდათ მემორანდუმი, სიტყვა თქვან, ეს ხომ ის ხალხია, სიტყვას არასდროს რომ არ არღვევს და ფურცელზე ხელმოწერა რა საჭიროაო. ეს ხუმრობაა, მაგრამ რეალობაა ის, რაც უნდა გავაანალიზოთ. ეს ის ადამიანები არიან, რომლებიც საკუთარი პარტიული ორგანიზაციების ზედაპირზე შენარჩუნებას ცდილობენ. აქედან გამომდინარე, ხშირად, ე.წ. ივენთებს აწყობენ ხელის მოწერის, ხან განცხადებების და თითქოს, ხელისუფლების სათავეში უკვე მოსულები არიან. რასაკვირველია, ეს ტრიუკი,  პროპაგანდისტული ფანდია და ამ ყველაფერზე საზოგადოებას საკმაოდ მკაფიო სურათი აქვს. არ მგონია, რომ ვინმე შეაცდინონ“, - განაცხადა გია ვოლსკიმ.

შეგახსენებთ, რომ ოპოზიციური პარტიებმა - „ევროპულმა საქართველომ“, „ნაციონალური მოძრაობამ“, „სტრატეგია აღმაშენებელმა“, „ერთიანი საქართველომ“ და „გირჩმა“ მართლმსაჯულების სისტემაზე შეთანხმებას მოაწერეს ხელი.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია