დღეს არის დუმილის და დაფიქრების დღე, თუ დავფიქრდებით, დღეს რაც ხდება საქართველოში, სირცხვილია - ამის შესახებ საქართველოს პრეზიდენტმა სალომე ზურაბიშვილმა  მუხათგვერდის ძმათა სასაფლაოზე განაცხადა, სადაც 2008 წლის რუსეთ-საქართველოს ომის დროს დაღუპულთა ხსოვნას პატივი მიაგეს.

როგორც ზურაბიშვილმა აღნიშნა, დღეს საქართველო არ არის ღირსეული, რადგან შიდა დაპირისპირებას და ბოღმას გამოაქვს შედეგი, რაც დაღუპული გმირების დავიწყების ტოლფასია.

„ჩვენ დღეს პატივს ვცემთ ჩვენს გმირებს, დღეს არის დუმილის და დაფიქრების დღე, თუ დავფიქრდებით, დღეც რაც ხდება საქართველოში, არის სირცხვილი, იმიტომ რომ ეს ადამიანები სამშობლოსთვის თუ შესწირეს თავი, ამავე დროს ღირსეული საქართველოსთვის შესწირეს თავი. დღეს საქართველო არ არის ღირსეული, შიდა დაპირისპირებას, შიდა ბოღმას და სიძულვილს ყოველდღიურად გამოაქვს შედეგი ჩვენს ახალგაზრდობაზე, ეს არის მათი არაპატივისცემა, მათი დავიწყება, იმიტომ რომ, ისინი თუ მოკვდნენ, მოკვდნენ საქართველოსთვის, სამშობლოსთვის, ერთიანობისთვის და დღეს ერთიანობას კი არ ვაშენებთ, დაპირისპირებაზე ვართ გადასული, ერთიანობის მაგივრად ვართ ჩავარდნილი სიძულვილში, რომელიც მხოლოდ მტერს ეხმარება. ჩვენ თუ გვინდა რომ ტერიტორიები და ხალხები გავაერთიანოთ - ამისი საწინდარი არის ერთობა“, - განაცხადა პრეზიდენტმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია