2020-07-25 11:22:33, 12308 ნახვა

---

თბილისის ინფექციურ საავადმყოფოში კორონავირუსის დიაგნოზით 39 პაციენტი მკურნალობს, მათგან ორის მდგომარეობა მძიმეა

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, მათ კლინიკაში კორონავირუსის დიაგნოზით 39 პაციენტი მკურნალობს.

მისივე თქმით, 2 პაციენტის მდგომარეობა მძიმეა, თუმცა დაავადების პროგრესირება არ შეიმჩნევა.

„ჩვენ ცენტრში გუშინ გვყავდა 38 დადასტურებული შემთხვევა, დაგვემატა 3 ახალი დადასტურებული შემთხვევა, გამოჯანმრთელდა 2 და დილის მონაცემებით, 39 დადასტურებული შემთხვევა გვყავს. სამი ახალი შემთხვევიდან 2 გახლავთ შემოტანილი და 1 გახლავთ დადასტურებულ შემთხვევასთან კონტაქტი. ჩვენი პაციენტების მდგომარეობა სტაბილურია. კვლავ რჩება 2 მძიმე პაციენტი, რომლის მდგომარეობა სტაბილურია და დაავდება არ პროგრესირებს. დანარჩენის მდგომარება საშუალო და საშუალოზე მსუბუქი გახლავთ“, - განაცხადა მარინა ეზუგბაიამ.  

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი