სამადაშვილი გახარიას - დემოკრატიის საზომი ის არჩევნები იქნება, რომლისთვის მზადებაც დავიწყეთ

2020-06-26 14:20:28, 1790 ნახვა

კომენტარი

თქვენი გამოსვლა იმით დაიწყეთ, რომ უკვე მერამდენეჯერ მოდიხართ აქ და ეს არის დემოკრატიისი ნიშანი ქვეყანაში, თუმცა ეს ასე არ არის. დემოკრატიის საზომი ის არჩევნები იქნება, რომელიც უნდა ჩატარდეს ქვეყანაში და რომლისთვისაც ჩვენ დავიწყეთ მზადება - ამის შესახებ, "ნაციონალური მოძრაობის" წევრმა, სალომე სამადაშვილმა განაცხადა.
მისი თქმით, სამართლიანი არჩევნებისთვის მზადების მაგივრად კრიმინალური ავტორიტეტების მობილიზაციით ხართ დაკავებული.
"თქვენი გამოსვლა იმით დაიწყეთ, რომ უკვე მერამდენეჯერ მოდიხართ აქ და ეს არის დემოკრატიისი ნიშანი ქვეყანაში, თუმცა ეს ასე არ არის. დემოკრატიის საზომი ის არჩევნები იქნება, რომელიც უნდა ჩატარდეს ქვეყანაში და რომლისთვისაც ჩვენ დავიწყეთ მზადება.
სწორედ ამ არჩევნებზე და ქვეყანაში შექმნილ გარემოზე გვაფრთხილებენ მეგობრები, მათშორის ა.შ.შ-ის კონგრესში, როდესაც საუბრობენ, რომ თქვენი ხელისუფლების და არაფორმალური მმართველის, ბიძინა ივანიშვილი საფრთხეს უქმნის ქვეყანაში სტაბილურობას და უნდა განიხილოს როგორც სამიზნე, შესაბამის სანქციებისთვის, რომელსაც კონგრესი მის წინააღმდეგ განიხილავს.
ის პასტყუილები, რომლებსაც თქვენი დაქირავებული ლობისტები, ივანიშვილის მძიმე ბავშვობაზე უგზავნიან ამერიკის კონგრესს, ამ საკითხს დღის წესრიგიდან ვერ მოხსნის. იმის ნაცვლად, რომ მზადება დაიწყოთ სამართლიანი და თავისუფალი არჩევნებისთვის, კრიმინალური ავტორიტეტების მობილიზაციით ხართ დაკავებული. ეს არ არის გასაოცარი, თავად გვერდით გიზით მინისტრი, რომელიც თავმომწონედ აფიშირებს კავშირებს კრიმინალურ სამყაროსთან და მეორე თქვენი პოლიტიკური ლიდერი, ასევე კარგი კავშირებით კრიმინალურ სამყაროსთან, რომელიც უკვე თავდასხმებს აწარმოებს დამოუკიდებელ მედიაზე. ვის უხდით მადლობას საკუთარი სუსის თანამშრომლებს? რომლებიც იბარებენ პოლიტიკოსებს, ჟურნალისტებს დაკითხვაზე ფეისბუქ პოსტების გამო? იღებთ თუ არა პასუხისმგებლობას, რომ ამ გარემოში ჩატარებული არჩევნები, როდესაც სისტემატიური თავდასხმები დაიწყო ოპოზიციური პარტიების ოფისებზე, ამ გარემოში ჩატარებული არჩევნები ძალიან დიდ კითხვისნიშნებს გააჩენს მის ლეგიტიმურობაზე, როგორც ქვეყნის შიგნით ასევე მის გარეთ. გავიგეთ, რომ არ გაინტერესებთ გამოიძიოთ ვინ დაუშინა დათვზე სანადირო ტყვიები პარლამენტის წინ ჩვენ ხალხს და ამის გამოძიება გაინტერესებთ ბატონო პრემიერო ? ", - განაცხადა სამადაშვილმა.