2020-04-14 20:46:11, 18458 ნახვა

---

საზღვარგარეთ კორონავირუსით საქართველოს მოქალაქეების ინფიცირების 92, ხოლო გარდაცვალების 9 შემთხვევაა დაფიქსირებული

საზღვარგარეთ კორონავირუსით საქართველოს მოქალაქეების ინფიცირების 92, ხოლო გარდაცვალების 9 შემთხვევაა დაფიქსირებული, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

მისივე თქმით, აღნიშნული ინფორმაცია დაავადებათა კონტროლის ეროვნულ ცენტრს საგარეო საქმეთა სამინისტროდან ყოველდღიურად მიეწოდება.

„საქართველოს კორონავირუსთან ბრძოლისას აქვს წარმატებებიც. გამოჯანმრთელდა 69 ადამიანი, მაგრამ ამავდროულად გვაქვს სამი სიკვდილი. ვერ მოვუარეთ იმ ხანდაზმულებს, იქ იყო ძალიან მძიმე თანმხლები დაავადებები. სამწუხაროდ გვაქვს საზღვარგარეთ ჩვენს თანამემამულეებში ინფიცირების 92 შემთხვევა. ამ ინფორმაციას ჩვენ საგარეო საქმეთა სამინისტროდან ყოველდღიურად ვიღებთ. სამწუხაროდ არის ცხრა გარდაცვლილი, რომლებიც ცხოვრობდნენ ევროპის სხვადასხვა ქვეყნებში“, – განაცხადა ამირან გამყრელიძემ.

 

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი