„ნაციონალური მოძრაობის ლიდერი გრიგოლ ვაშაძე გამოეხმაურა ირაკლი ოქრუაშვილისთვის პატიმრობის შეფარდებას და აღნიშნა, რომ „მორჩება ეს პანდემია და ყველა პოლიტპატიმარი უნდა იყოს გარეთ“.

მისივე თქმით, პოლიტპატიმრების გათავისუფლება ოპოზიციასა და პოზიციას შორის მიღწეული შეთანხმების ერთ-ერთი მთავარი ნაწილი იყო. ამ შეთანხმების ჩაგდებას კი ოპოზიცია და ის საერთაშორისო პარტნიორები, რომელბმაც შეთანხმების შესრულებაზე თავისი რეპუტაცია დადეს, არ შეეგუებიან.

„ახლა ამათ ჰგონიათ, რომ რადგან პანდემია არის ეს ყველაფერი ისე ჩაივლის. არავითარ შემთხვევაში ისე არ ჩაივლის ეს არც ოპოზიციის მხირდან და არც საერთაშორის ორგანიზაციებისა და საელჩოების მხრიდან, რომლებმაც თავის რეპუტაციაზე იტვირთეს შეთანხმების ორივე ნაწილის შესრულება. მორჩება ეს პანდემია და ყველა პოლიტპატიმარი უნდა იყოს გარეთ“, - განაცხადა გრიგოლ ვაშაძემ.

შეგახსენებთ, რომ 20 ივნისის საქმეზე დაკავებულ ყოფილ თავდაცვის მინისტრს, ირაკლი ოქრუაშვილს სასამართლომ 5 წლით თავისუფლების აღკვეთა მიუსაჯა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ორდღიანი ძებნის შემდეგ, დაკარგული მწყემსი მდინარე გუბისწყალში გარდაცვლილი იპოვეს

ბათუმის სახელმწიფო უნივერსიტეტის პროფესორმა ახალგაზრდა გოგოებზე იძალადა

Axios: აშშ და ირანი 60-დღიან ცეცხლის შეწყვეტაზე შეთანხმდნენ

ევროკავშირმა სანქციები დააწესა ოთხი ორგანიზაციისა და სამი ისრაელელი „ექსტრემისტი მკვიდრის“ წინააღმდეგ