2019-12-24 18:56:02, 1572 ნახვა

---

აჭარის მიმდინარე საინვესტიციო პორტფელი 4 მილიარდ ლარს შეადგენს - რეგიონში 2000 ახალი სამუშაო ადგილი შეიქმნა

აჭარის მთავრობის სხდომაზე თორნიკე რიჟვაძემ რეგიონის საინვესტიციო პოტენციალის შესახებ ისაუბრა. სტატისტიკური მონაცემების თანახმად, 2019 წლის 9 თვის განმავლობაში 43%-ით გაიზარდა აჭარაში განხორციელებული პირდაპირი უცხოური ინვესტიციები და 112.6 მლნ აშშ დოლარი შეადგინა.

,,ჩვენი რეგიონის მდგრადი განვითარებისთვის განსაკუთრებით მნიშვნელოვანია ის საინვესტიციო პოლიტიკა და ეკონომიკური საკითხები, რომლის ოპერატიულად მოგვარების შედეგად რეგიონში ჩნდება ახალი სამუშაო ადგილები. წლის დასაწყისში, ვამბობდით რომ ახალი საინვესტიციო პორტფელი იქნებოდა  3 მილიარდი ლარი, დღეის მდგომარეობით ამ ნიშნულმა 4 მილიარდ ლარს მიაღწია. წელს აჭარაში დამატებით 2000 ახალი სამუშაო შეიქმნა.

გარდა საინვესტიციო პროექტებისა, რომელიც რეგიონში ხორციელდება, არანაკლებ მნიშვნელოვანია საერთაშორისო აღიარება.

მინდა შევეხო ბოლო პერიოდში მიღებულ ერთ-ერთ მნიშვნელოვან აღიარებას. გამომცემლობა Forbes-მა ბათუმი 2020 წლისთვის საუკეთესო ევროპული საინვესტიციო ქალაქების ხუთეულში შეიყვანა. ეს ნიშნავს, რომ ამბიცია იმისა, რომ ბათუმი გამხდარიყო ხმელთაშუა ზღვისპირეთის ერთ-ერთი კონკურენტი ქალაქი, გადაიქცა რეალობად, ვინაიდან 2019 წელს ჩვენ ბათუმი გავხადეთ ევროპის სპორტული ქალაქი და მზარდი ტურისტული მიმართულება, გვქონდა ტურიზმის ოსკარი. მომავალი წელი კი იქნება ბათუმის საინვესტიციო ქალაქად აღიარების წელიწადი", - განაცხადა თორნიკე რიჟვაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი