ევროპული საბჭოს პრეზიდენტის დონალდ ტუსკის განცხადებით, მისასალმებელია ის რეფორმები, რასაც საქართველო ვიზალიბერალიზაციის პროცესისასთვის ახორციელებს, თუმცა თავისუფალი უვიზო რეჟიმისთვის, დამატებითი რეფორმებია საჭირო.

როგორც ტუსკმა პრეზიდენტ გიორგი მარგველაშვილთან ერთად გამართულ პრესკონფერენციაზე აღნიშნა, საქართველომ უნდა გააგრძელოს ძალიან აქტიური მუშაობა კორუფციის წინააღმდეგ ბრძოლის, მიგრაციის, თავშესაფრის, ნარკოტიკებისა და ტრეფიკინგის წინააღმდეგ ბრძოლის თვლასაზრისით.

„გარანტია არ გახლავთ წარმატების, მაგრამ დამერწმუნეთ, მე მაქსიმალურად მხარს დავუჭერ იმ დროს, როცა საკითხი მიდგება ვიზალიბერალიზაციის თემაზე.საქართველო ძალიან მყარ პოზიციაზე დგას, როდესაც თავისუფალი მობილურობისა და მოძრაობის თვალსაზრისით არის საუბარი, ძალზე ამბიციურად ვუდგებით ამ თემას.საქართველო ამჟამად ახორციელებს რეფორმებს, რომელიც საჭიროა, ვიზალიბერალიზაციის პროცესისასთვის, რომელსაც ჩვენ მივესალმებით, მაგრამ თავისუფალი უვიზო რეჟიმისთვის დამატებითი რეფორმებია საჭირო. საქართველომ უნდა გააგრძელოს ძალიან აქტიური მუშაობა კორუფციის წინააღმდეგ ბრძოლის, მიგრაციის, თავშესაფრის, ნარკოტიკების წინააღმდეგ ბრძოლის, ადამიანთა ტრეფიკინგის თვლასაზრისით.ეს გახლავთ ჩვენი ოფიციალური პოზიცია.მე დარწმუნებული ვარ, რომ საქართველო საკმაოდ მზად გახლავთ და ამბიციურია დღის წესრიგის თვალსაზრისით. ვფიქრობ, რომ როდესაც საქმე ამ ეტაპამდე მივა, აღნიშნული პროგრესის შეფასებამდე, თქვენი მზაობა იქნება მაღალი იმისათვის, რომ დავაჩქაროთ მოვლენათა მიმდინარეობა. კომისიის შემდეგი მოხსენება რეფორმების საკითხზე, რეფორმებს ვგულისხმობ ვიზალიბერალიზაციის სამოქმედო გეგმაზე, ამ წლის ბოლომდე უნდა დასრულდეს. ჩემი პირადი პოზიციაა, რომ უნდა დაიწყოს ვიზის ლიბერალიზაციის პროცესზე ძირეული პროცესი“,-განაცხადა დონალდ ტუსკმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია