საქართველოს საგარეო საქმეთა მინისტრმა, თამარ ბერუჩაშვილმა ევროკავშირსა და საქართველოს შორის სავიზო რეჟიმის ლიბერალიზაციის სამოქმედო გეგმის იმპლემენტაციის საკითხებზე არასამთავრობო სექტორის წარმომადგენლებთან შეხვედრა გამართა. 

საგარეო უწყების ინფორმაციით, შეხვედრის მიზანი იყო საქართველოს მთავრობის მხრიდან არასამთავრობო სექტორისთვის სავიზო რეჟიმის  ლიბერალიზაციის სამოქმედო გეგმის იმპლემენტაციის შესახებ ინფორმაციის გაზიარება. მინისტრმა და მინისტრის მოადგილეებმა შეხვედრის მონაწილეებს ინფორმაცია მიაწოდეს  იმ ქმედებებსა და გატარებულ ღონისძიებებზე, რაც რიგის სამიტის შემდგომ, სამოქმედო გეგმის ფარგლებში და ევროკომისიის რეკომენდაციების გათვალისწინებით მთავარობამ განახორციელა.

შეხვედრაზე იმედი გამოითქვა, რომ მთავრობისა და არასამთავრობო სექტორის ერთობლივი ძალისხმევითა და მიღწეული პროგრესის საფუძველზე ევროკავშირთან სავიზო რეჟიმის ლიბერალიზაციის პროცესი  წარმატებით დასრულდება და წლის ბოლოს ევროკომისიის მიერ გამოქვეყნებული  ანგარიში საბოლოო იქნება. შეხვედრაზე ასევე ხაზი გაესვა, როგორც სავიზო რეჟიმის ლიბერალიზაციის სამოქმედო გეგმის, ასევე ასოცირების დღის წესრიგის განხორციელების საკითხებში არასამთავრობო სექტორთან თანამშრომლობისა და მათი მაქსიმალური ჩართულობის მნიშვნელობას.

შეხვედრას ესწრებოდნენ საქართველოს იუსტიციის მინისტრის მოადგილე ალექსანდრე ბარამიძე, შინაგან საქმეთა მინისტრის მოადგილე არჩილ თალაკვაძე და სხვადასხვა სამთავრობო უწყების წარმომადგენლები.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია

ევროკავშირი რუსეთისგან მოითხოვს ცხინვალის რეგიონიდან, აფხაზეთიდან და დნესტრისპირეთიდან მისი გაყვანას