ეროვნული არქივის კვირის დოკუმენტი უჩვეულო და სახალისო ფოტოს წარმოგიდგენთ. ჩოხაში გამოწყობილი თავმომწონე მამაკაცი და ჯორზე ამხედრებული ქალბატონი კეკლუცად მომარჯვებული ქოლგით საგანგებო ფოტოსესიას ატარებენ.

თუმცა ფოტოს მთავარი „ინტრიგა“ მაინც ჯორის უკან ჩანს: ასეთი მომზადებული ფოტოსესიის ფონზე წამოწოლილი ადამიანი სულაც არ დაგიდევთ არც ჯორს, არც სერიოზულ მამაკაცსა და არც ქოლგამომარჯვებულ კოხტა ქალბატონს. ან დუქანში კარგად შეზარხოშდა და საჭირო დროს საჭირო ადგილას აღმოჩნდა, ან სულაც დადგეს ასეთი სცენა. ვინ იცის?!

თბილისი, 1870 წელი.

ფოტოს ნახვა შესაძლებელია ეროვნული არქივის ვებგვერდზე: http://archives.gov.ge/ge/kviris-dokumenti, ასევე, ეროვნული არქივის გვერდზე სოციალურ ქსელში: https://www.facebook.com/NationalArchivesofGeorgia.

„კვირის დოკუმენტი“ ეროვნული არქივის პროექტია, რომელიც არქივში დაცული უნიკალური და მრავალფეროვანი მასალის შესახებ საზოგადოების ინფორმირებას ისახავს მიზნად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა