2015-07-03 12:13:59, 388 ნახვა

---

დავით ბაქრაძე: მაქსიმუმს გავაკეთებთ, რომ საბერძნეთიდან ქართველებს თანხების გადმოგზავნის პრობლემა არ შეექმნათ

"მაქსიმუმს გავაკეთებთ, რომ საბერძნეთში მცხოვრებ ქართველებს თანხების გადმოგზავნის მხრივ პრობემა არ შეექმნათ", - ამის შესახებ ევროპულ და ევროატლანტიკურ სტრუქტურებში სახელმწიფო მინისტრმა დავით ბაქრაძემ მთვრობის ადმინისტრაციაში ჟურნალისტებს განუცხადა.

მისივე თქმით, ამ მიზნით საქართველოს საგარეო საქმეთა მინისტრის მოადგილე ვლადიმერ გურგენიძე საბერძნეთში დიასპორულ ორანიზაციებთან შეხვედრებს მართავს.

"მაქსიმუმს ვაკეთებთ, რათა ხელი შევუწყოთ ერთის მხრივ, მათი საქმიანობის გაგრძელებას,მათ მიერ მისაღები თანხების უზრუნველყოფას, რომ გადმოგზავნის მხრივ არ შეექმნათ პრობლემა და ის დახმარება, რომელსაც ისინი უწევენ თავიანთ ოჯახებს, შენარჩუნდეს. სწორედ ამ მიზნით, საქართველოს საგარეო საქმეთა მინისტრის მოადგილე საბერძნეთშია და ჩვენს სრულუფლებიან ელჩთან ერთად დიასპორულ ორგანიზაციებთან შეხვედრებს მართავს", - აღნიშნა ბაქრაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი