საქართველოს პრემიერ-მინისტრი ბაქოში იმყოფება.

მთავრობის ადმინისტრაციის პრესსამსახურის ინფორმაციით, ირაკლი ღარიბაშვილი აზერბაიჯანის დედაქალაქში, ბაქო 2015 - პირველი ევროპული თამაშების გახსნის ცერემონიაზე დასასწრებად, შვილებთან - ნიკოლოზსა და ანდრიასთან ერთად ჩავიდა.

მათივე ცნობით, ბაქოში ვიზიტს საქართველოს პრემიერ-მინისტრი აზერბაიჯანის რესპუბლიკის პრეზიდენტთან პირისპირ შეხვედრით დაიწყებს.

„ვიზიტის ფარგლებში ირაკლი ღარიბაშვილი დაესწრება ილჰამ ალიევის სახელით გამართულ მიღებას, მოინახულებს ქართველ სპორტსმენებს ათლეტთა სოფელში, სადაც ილჰამ ალიევის მეუღლე, მეჰრიბან ალიევა სპორტსმენებისთვის მისასალმებელ ღონისძიებას გამართავს.

12 ივნისს კი, საქართველოს დელეგაცია, პრემიერ-მინისტრის ხელმძღვანელობით, ბაქო 2015 - პირველი ევროპული თამაშების გახსნის ცერემონიას დაესწრება“, - ნათქვამია მთავრობის ადმინისტრაციის პრესსამსახურის განცხადებაში.

ოლიმპიადაში, სპორტის 20 სახეობის 253 დისციპლინაში 50 ქვეყნის 6 ათასზე მეტი სპორტსმენი მიიღებს მონაწილეობას. აზერბაიჯანში 105 ქართველი ათლეტი სპორტის 17 სახეობაში იასპარეზებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში