ფრიდონ ფუტკარაძემ თანამშრომლებთან თათბირი გამართა

2018-09-10 14:20:52, 510 ნახვა

რეგიონი

შუახევის მერი ფრიდონ ფუტკარაძე ადმინისტრაციული ერთეულების ხელმძღვანელებს, მერიის სამსახურებს და მერიის ქვემდებარე სამსახურების ხელმძღვანელებს შეხვდა.

მორიგ თათბირზე განხილული იქნა 2018 წლის მესამე კვარტლის დავალებების შესრულების, დაგეგმილი ინფრასტრუქტურული ღონისძიებების ხელშეკრულებით გათვალისწინებულ ვადებში განხორციელების საკითხი.

თათბირზე ყურადღება გამახვილდა საჯარო სკოლებში, სკოლამდელ დაწესებულებებში სასწავლო-სააღმზრდელო პროცესის განახლების, სკოლების, ბაგა-ბაღების მომზადების, ბავშვთა ტრანსპორტირების საკითხებზე.

განხილული იქნა აგრეთვე 2018-2019 წლების შემოდგომა-ზამთრისთვის მზადების საკითხი. აღინიშნა, რომ უკვე დაიწყო სოფლებსა და დასახლებულ უბნებში გაზსადენი მილების საპროექტო სამუშაოები.

თათბირზე ხაზი გაესვა სანიტარულ-ჰიგიენური წესრიგის გაუმჯობესების საკითხებს. ყოველკვირეულად ჩატარდება დასუფთავების აქციები, რომელშიც სახელმწიფო დაწესებულებები და მოსახლეობაც მიიღებს მონაწილეობას.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები