გოგა ხაჩიძე: ღარიბაშვილი მგონია, რომ დღემდე საპნით იბანს თავს და პიცა ღმერთების საჭმელი ჰგონია

2015-06-04 16:02:36, 3123 ნახვა

Lifestyle

„ჩვენს პრემიერს, რომ ვუყურებ დღემდე მგონია, რომ თავს საპნით იბანს და პიცა ღმერთების საჭმელი ჰგონია“,-ამის შესახებ „ნაციონალური მოძრაობის“ ყოფილი წევრი გოგა ხაჩიძე ფეისბუქის ოფიციალურ გვერდზე წერს.
ხაჩიძე პრემიერ-მინისტრს მიმართავს და აღნიშნავს, „ვინმე ამტკიცებს, რომ მარიხუანას მოწევა სასარგებლოა და ბორჯომის ჰაერს სჯობიაო“?
„ამ ჩვენს პრემიერს რომ ვუყურებ, მგონია დღემდე საპნით იბანს თავს და პიცა ღმერთების საჭმელი ჰგონია.
Irakli Garibashvili ვინმე ამტკიცებს, რომ მარიხუანას მოწევა სასარგებლოა და ბორჯომის ჰაერს სჯობიაო?!
ალკოჰოლის სმა და სიგარეტის მოწევა ხომ რას ამბობ გვაჯანსაღებს, მაგრამ ამის გულისთვის ციხეში ხომ არ ვსვამთ?!
რა შუაშია მთა და დემოგრაფია?!
რას დემაგოგობ?!
არ დავიჭიროთო!
მეტი არაფერი!
მარიხუანას მოწევის გამო დავაჯარიმოთ, მაგრამ ციხეში არ ჩავსვათ და კრიმინალად არ გამოვაცხადოთო!
ჩვენ დროს რატომ არ გავაკეთეთ?...
არაფერი არ არსებობდა, არც პოლიცია, არც კონტროლი, არც სახელმწიფო და კიდევ ბევრი რამ...
და როცა უკვე არსებობდა და მაინც არ გადავდგით ეს ნაბიჯი - შეცდომა იყო!
მერე?!...
ახლა რა გვიშლის ხელს?!
არყით გაჟღენთილი, გულისპირზე გადმორწყეული, რუსთაველზე მობარბაცე ადამიანი რომ სრულიად ლეგალური არსებაა და თავისთვის დაბოლილი ადამიანი - კრიმინალი.
ნუ სპეკულირებ უაზრობებით!...
არ დაჭერაზე, კრიმინალად არ გამოცხადებაზე, ციხეში არ ჩასმაზეა ლაპარაკი და არა იმაზე, რომ სასარგებლოა, ან საჭირო და ვინმე ქუჩა-ქუჩა აპირებს სიარულს და მარიხუანას მოწევას“,-აღნიშნავს გოგა ხაჩიძე.