სტიქიის შედეგად დუშეთის რაიონში 15 სოფელი დაზარალდა.

ყველაზე მეტად დაზარალებულია სოფლები ბაგა და მლაშე. მლაშე გარე სამყაროს მოწყვეტილია, სოფელთან მისასვლელი გზა მოვარდნილმა ნიაღვარმა ჩარეცხა. დუშეთის გამგეობაში აცხადებენ, გზის სავალი მონაკვეთის აღდგენას დღის განმავლობაში მოახერხებენ.

სოფელ ბაგაში კი განადგურებულია საკარმიდამო მიწები და სასოფლო სამეურნეო ნათესები. მოსახლეობის თქმით, მათ მოსავალი თითქმის აღარ დარჩათ. ადგილობრივი მოსახლეობა ამბობს, რომ მთავრობის დახმარების იმედი არ აქვთ.

ამასთან, დუშეთის რაიონის 12 სოფელი ამ დრომდე ელექტროენერგიის გარეშეა დარჩენილი. ადგილობრივი ქვესადგურის წარმომადგენლები ადგილზე მუშაობენ და აცხადებენ, რომ საღამომდე ელექტროენერგიის აღდგენა მოხდება.

ძლიერი წვიმის შედეგად დაიტბორა ცენტრალური გზის რამდენიმე მონაკვეთიც, რამაც სატვირთო მანქანების სავალი ნაწილიდან გადასვლა გამოიწვია. ამ დროისთვის დუშეთის ადგილობრივმა ხელისუფლებამ სპეციალური ტექნიკის დახმარებით შეძლო გზის გარკვეულ მონაკვეთებზე მოძრაობის აღდგენა.

დუშეთის რაიონში ზარალის შესასწავლად დილიდან ჩართულია სოფლის მეურნეობის სამინისტროც. უწყების წარმომადგენლის განცხადებით, ბაზალეთის თემში შემავალ სოფლებში, ზედაპირული დათვალიერებით ნათესები განადგურებული არ არის. მისივე თქმით, საჭიროების შემთხვევაში სტიქიის შედეგების დამთვლელი კომისია შეიქმნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლომ გიგა ავალიანის საქმეზე ბრალდებულები დამნაშავედ ცნო, სასჯელს 2 ივნისს გამოცხადდება

15 წლის მოზარდი, რომელსაც თბილისში ეძებდნენ, გარდაცვლილი იპოვეს

უკრაინამ სევასტოპოლსა და რუსეთის რამდენიმე რეგიონზე სარაკეტო და დრონებით იერიში მიიტანა

ვიდეოს გავრცელების შემდეგ, პროკურატურამ პოლიციელთა სავარაუდო ძალადობაზე გამოძიება დაიწყო