მიხეილ მაჭავარიანი მიიჩნევს, რომ როგორც სიგარეტის, ისე მარიხუანას მოწევის გამო არ უნდა აპატიმრებდნენ

2015-06-01 16:20:27, 464 ნახვა

პოლიტიკა

საპარლამენტო უმცირესობის წევრი მიხეილ მაჭავარიანი მიიჩნევს, რომ ადამიანს, როგორც სიგარეტის მოწევის გამო არ აპატიმრებენ, ასევე პატიმრობა მსუბუქი ნარკოტიკის-მარიხუანას მოხმარებაზე არ უნდა იყოს გამოყენებული.

„იყო პერიოდი, როდესაც ჩვენ ნარკოტიკთან დაკავშირებით მკაცრი მიდგომა გვქონდა. მახსოვს, ეს პერიოდი, 10-12 წლის წინ რა მდგომარეობა იყო საქართველოში ნარკოტიკების მხრივ. დღეს სხვა ეტაპია და ვფიქრობ, რომ მსუბუქი ნარკოტიკის - მარიხუანას გამო ადამიანი ციხეში არ უნდა მიდიოდეს. მე საერთოდ არ ვეწევი და არც სხვას მოვუწოდებ მოწიოს, არც სიგარეტის პოპულარიზაციას ვახდენ, მაგრამ როგორც სიგარეტის მოწევის გამო არ უნდა მიდიოდეს ადამიანი ციხეში, ასევე მარიხუანის. თუმცა, ეს წახალისებული არ უნდა იყოს“, - განაცხადა მაჭავარიანმა.

როგორც მან ჟურნალისტებთან საუბარში აღნიშნა, ის მარიხუანას დეკრიმინალიზაციის შესახებ კანონპროექტს მხარს დაუჭერს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან