ნატოსა და ევროკავშირის შესახებ საინფორმაციო ცენტრი და ნატოს სამეკავშირეო ოფისი პროექტს - "ნატო-არჩევანი მშვიდობიანი და სტაბილური განვითარებისთვის" აგრძელებს.

პროექტის ფარგლებში სამცხე ჯავახეთის რეგიონის საჯარო სკოლების მოსწავლეები და მასწავლებლები ნატოს სამეკავშირეო ოფისს ეწვივნენ. 

სტუმრებს სიტყვით ნატოსა და ევროკავშირის შესახებ საინფორმაციო ცენტრის დირექტორმა ელენე გოცაძემ და ნატოს სამეკავშირე ოფისის ხელმძღვანელმა უილიამ ლაჰიუმ მიმართეს. 

შეხვედრაზე ნატო-საქართველოს ურთიერთობების დინამიკასა და საქართველოს ევროატლანტიკური ინტეგრაციის მნიშვნელობაზე იმსჯელეს. სემინარის ფარგლებში მონაწილეებს უშიშროების საბჭოს მდივნის მოადგილესთან თეონა აქუბარდიასთან შეხვედრის საშუალებაც მიეცათ. 

პროექტი მიზნად ისახავს რეგიონში მცხოვრები მოსახლეობის ინფორმირებას და მათ ევროპულ და ევროატლანტიკურ სტრუქტურებში ინტეგრაციის პროცესში ჩართვას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო

თიბისი კონცეპტი წარმოგიდგენთ თბილისის საერთაშორისო თეატრალურ ფესტივალს

კალაძე: ორი წლის წინ რეაბილიტირებულ მეტროსადგურ „ავლაბარში“ წყალი ისე ჩადიოდა, როგორც გარეთ, შეისწავლეთ საკითხი

Washington Post: აშშ-ს ყოფილი მოკავშირე საქართველო ირანის ორბიტაზე ექცევა