მირო ცერარი: სლოვენია საქართველოს ვიზის ლიბერალიზაციის პროცესში მხარს უჭერს

2015-05-22 14:14:25, 485 ნახვა

პოლიტიკა

სლოვენია საქართველოს ვიზის ლიბერალიზაციის პროცესში მხარს უჭერს, - ამის შესახებ სლოვენიის პრემიერ-მინისტრმა ქართველ კოლეგასთან შეხვედრისას განაცხადა.

მთავრობის ადმინისტრაციის პრესსამსახურის ინფორმაციით, მირო ცერარმა ირაკლი ღარიბაშვილი სლოვენიაში ოფიციალური ვიზიტით მიიწვია და ორი ქვეყნის სავაჭრო-ეკონომიკური ურთიერთობების გაღრმავების მიზნით, ერთობლივი ბიზნესფორუმის ჩატარების ინიციატივით გამოვიდა.

ირაკლი ღარიბაშვილმა მირო ცერარს მადლობა გადაუხადა ევროკავშირთან ასოცირების შეთანხმების რატიფიცირებისთვის, რაც სლოვენიის საკანონმდებლო ორგანომ 13 მაისს განახორციელა.

შეხვედრაზე მნიშვნელოვანი ყურადღება დაეთმო ორმხრივი თანამშრომლობის განვითარებას პოლიტიკური, ეკონომიკური, კულტურული მიმართულებებით.

საქართველოს პრემიერ-მინისტრმა სლოვენიელი კოლეგა აბრეშუმის გზის ფორუმზე მიიწვია, რომელსაც თბილისი ოქტომბერში უმასპინძლებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან