გარემოსა და ბუნებრივი რესურსების დაცვის მინისტრი გიგლა აგულაშვილი ევროკავშირის წარმომადგენლობის ხელმძღვანელს საქართველოში იანოშ ჰერმანს შეხვდა.

გარემოს დაცვის სამინისტროს ინფორმაციით, შეხვედრაზე მხარეებმა საქართველოსა და ევროკავშირს შორის გარემოსდაცვით სფეროში ერთობლივად განხორციელებული პროექტები და მომავალი თანამშრომლობის გეგმები განიხილეს. 2015 წელს, ევროკავშირის ფინანსური მხარდაჭერით, გარემოს დაცვის სამინისტრომ საგზაო რუკა შეიმუშავა, რომელიც ასოცირების ხელშეკრულებით გათვალისწინებული გარემოსდაცვითი ვალდებულებების შესრულების გზამკვლევს წარმოადგენს.

„ჩვენ დღეს ვისაუბრეთ წყლის და სატყეო სექტორის კანონმდებლობების დახვეწის შესახებ. ევროკავშირი აქტიურად თანამშრომლობს გარემოს დაცვის სამინისტროსთან და ეს შეხვედრაც ამის მაგალითია. ჩვენ გვსურს და ვმუშაობთ იმაზე, რომ დავეხმაროთ საქართველოს მოახდინოს ასოცირების ხელშეკრულების იმპლემენტაცია“, - განაცხადა იანოშ ჰერმანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა