ხაშურში, დაპირისპირების დროს დაჭრილი ორი მოზარდი მკურნალობას ადგილობრივ საავადმყოფოში აგრძელებს.

გავრცელებული ინფორმაციით, თავდაპირველად საავადმყოფოში 4 არასრულწლოვანი შეიყვანეს, თუმცა ორ მათგანს მსუბუქი დაზიანებები ჰქონდა. ისინი კლინიკიდან მალევე გაწერეს. ამ დროისთვის მათი გამოკითხვა მიმდინარეობს.

როგორც ხაშურის კლინიკის ექიმმა კახა ხელაძემ "იმედის" ეთერში განაცხადა, ერთ-ერთ მოზარდს ჭრილობები მუცლის არეში აქვს მიყენებული.

"მოყვანილი იქნა ორი ახალგაზრდა, მრავლობითი, ნაკვეთი ჭრილობებით. მათ შორის ერთ-ერთს აღენიშნებოდა მუცლის ღრუს არეში შემავალი ჭრილობა, ორგანოების დაზიანებით. შესაბამისად ის საჭიროებდა ქირურგიულ ჩარევას. მისი მდგომარეობა მძიმეა, მაგრამ პროგნოზი საიმედოა. მეორესაც დასჭირდა მცირე ქირურგიული ჩარევა და დაკვირვების ქვეშ იმყოფება. რაც შეეხება კიდევ ორ ახალგაზრდას ისინი კლინიკად უკვე გაეწერნენ, რადგან მსუბუქი დაზიანებები ჰქონდათ და მხოლოდ მეთვალყურეობა სჭირდებოდათ", - განაცხადა ექიმმა.

ცნობისთვის, ხაშურში, არასრულწლოვნებს შორის მომხდარი დაპირისპირების დროს ორი მოსწავლე დაჭრეს. ისინი სოფელ გომის საჯარო სკოლის მე-12 კლასის მოსწავლეები არიან. დაპირისპირება ერთ-ერთ რესტორანში მოხდა. მომხადრზე გამოძიება შსს-მ სსკ-ის 109-ე მუხლით დაიწყო, რაც დამამძიმებელ გარემოებებში განზრახ მკვლელობის მცდელობას გულისხმობს.

ავტორი: ,

სოციალური ქსელები

კობახიძე - არავის აინტერესებს უკრაინისა და უკრაინელი ხალხის ინტერესები

კობახიძე - გვარამიას, ზურაბ ჯაფარიძის, სალომე ზურაბიშვილის და ასეთი ადამიანების დაძახებულზე 5000 კაცი გამოდის, წარმატებაა

მათში გამჯდარია და გარანტია აქვთ დაუსჯელობის სინდრომის - სამუშია პოლიციელებზე

კობახიძე: ვნახე კადრები, შესაბამის უწყებებს უნდა ჰქონდეთ და ექნებათ სათანადო რეაგირება