მესტიის რაიონის სოფელ ნაკრაში ადგილობრივი მოსახლეობა ნენსკრაჰესის მშენებლობის დაწყებას აპროტესტებს.

ჰესის მშენებლობის შეჩერების მოთხოვნით მოსახლეობამ გამაფრთხილებელი აქცია გამართა. აქციის მონაწილეების  განცხადებით, ტერიტორია მეწყერსაშიშია, რის გამოც სოფელში ჰესის მშენებლობამ შესაძლოა სავალალო შედეგები მოიტანოს და სამი დასახლება დატბოროს.

გარდა ამისა, სოფლის მოსახლეობა ამბობს, რომ ნაკრა მჟავე წყლებით  მდიდარია, მდინარის კალაპოტის შეცვლის შემთხვევაში კი ეს რესურსი დაიკარგება.

„იმის მაგივრად, რომ მთავრობამ სოფლის მოსახლეობაზე, ჩვენი ინტერესების დაცვაზე იზრუნოს და მდინარის ნაპირსამაგრი სამუშაოები ჩატარდეს, მეორე საფრთხის წინაშე აყენებენ სოფელს. ჩვენი ინტერესების გაუთვალისწინებლობის შემთხვევაში და ასეთი დიდი ზარალის საფრთხის გამო ამ ჰესის აშენების წინააღმდეგია ყველა საღად მოაზროვნე ადამიანი“, - აცხადებენ სოფელ ნაკრას მცხოვრებლები.

ენერგეტიკის მინისტრი კახა კალაძე კი განმარტავს, რომ ჰესის მშენებლობა ადგილობრივ მცხოვრებლებს პრობლემებს არ შეუქმნის. მისივე თქმით, არსებობს შესაბამისი დასკვნები და  ნენსკრაჰესი სტრატეგიული მნიშვნელობის პროექტია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის