2017-12-18 20:26:01, 1852 ნახვა

---

ირაკლი კობახიძე გუნდში შესაძლო განხეთქილებაზე: ეს არის სპეკულაცია, რომელსაც არავითარი საფუძველი არ აქვს

საქართველოს პარლამენტის თავმჯდომარე  უმრავლესობაში დამატებითი ფრაქციების შექმნის საკითხს კიდევ ერთხელ გამოეხმაურა. მისი თქმით, ფრაქციების შექმნის მიზანი უმრავლესობაში მენეჯმენტის რაციონალიზაციაა.

„ჩვენ ვახერხებდით აქამდეც უმრავლესობის შიგნით ურთიერთობების სათანადოდ დარეგულირებას, მართვას, ძალიან მნიშვნელოვანია, რომ უმრავლესობაში განხორციელდეს პროცესების სწორი მართვა, ჩვენი აზრით, დამატებით ფრაქციების შექმნა ხელს შეუწყობს მართვის ოპტიმიზაციას უმრავლესობის შიგნით. ეს არის ფრაქციების ჩამოყალიბების მიზანი“,-აღნიშნა კობახიძემ.

მან გუნდის შიგნით განხეთქილებაზე საუბარს სპეკულაციები უწოდა:

„ეს იყო  სპეკულაციები, რომელსაც არავითარი საფუძველი არ აქვს. მთლიანად საფუძველს იყო მოკლებული“,-განმარტა ირაკლი კობახიძემ.

უმრავლესობაში ორი დამატებითი ფრაქცია წლის ბოლომდე შეიქმნება.

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი