უკრაინის სასაზღვრო სამსახური ნიკოლოზ სააკაშვილის დაკავების მიზეზებს განმარტავს

2017-11-11 12:38:27, 2262 ნახვა

მსოფლიო

უკრაინის სახელმწიფო საზღვრის დაცვის სამსახური, გუშინ ბორისპოლის აეროპორტში საქართველოს მესამე პრეზიდენტის მიხეილ სააკაშვილის შვილის დაკავებას ეხმაურება.

როგორც დაცვის სამსახურის ხელმძღვანელის მოადგილემ ოლეგ სლობოდიანმა აღნიშნა, აეროპორტში თბილისიდან ჩასულ არასრულწლოვანს, არც ერთი ახლო ნათესავი ან უფლებამოსილი სხვა პიროვნება არ დახვედრია.

"არასრულწლოვანის მამის, მიხეილ სააკაშვილის აეროპორტში მისვლის შემდეგ, მესაზღვრემ საზღვრის კვეთის ფაქტი გააფორმა და მგზავრი მამას გადასცა", - განაცხადა სლაბოდიანმა და დასძინა, რომ დაცვის წარმომადგენელი საზღვარზე უსაფრთხოების მიზნით არ შემოუშვეს.

შეგახსენებთ, რომ გუშინ მიხეილ სააკაშვილის შვილი ბორისპოლის აეროპორტში რამდენიმე საათით დააკავეს, ხოლო მისი მცველი საზღვარზე არ შეუშვეს და საქართველოში გამოაბრუნეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები